Stjórnlagaþing 3.

Úr Eftirköst .....  eftir Stephan G Stephansson

Hámenntaða virðum vér

vora lærdómshróka,

sem eru andleg ígulker

ótal skólabóka.

Þitt er menntað afl og önd,

eigirðu fram að bjóða:

hvassan skilning, haga hönd,

hjartað sanna og góða.

 Hver er ábirgur fyrir klúðrinu í hönnun Stjórnlagaþingskosninga, var sá ekki nægilega hámenntaður


Stjórnlagaþing 2.

Við verðum að vakna til að skapa grunn fyrir nýtt vald því gamla valdið er svo  myklað og fúið. Við megum ekki missa kjarkinn.

Gunnar Hersveinn sagði í kosningabaráttuni: Vissulega er holóttur vegur framundan í þeirri viðleitni að skapa nýtt og öflugt lýðræði. Gamla valdið fellir tré yfir vegi, kemur upp tálmunum, lokar vegum ... Frambjóðendur til stjórnlagaþings finna það til að mynda á eigin skinni. Þeir hljóta að teljast einhvers konar grasrót, eða mögulegt nýtt vald, andspænis gamla valdinu: yfir fimmhundruð karlar og konur eru reiðubúin til að taka þátt í endurskoðun stjórnarskrár, leggja sitt af mörkum og móta sýn fyrir framtíðina. Áhrif hefðbundinna valdastofnana á væntanlega þingmenn er þverrandi og því er gamla valdið óttaslegið.

Sannleikurin er komin fram.

Stjórnlagaþing.

safe_image_php.gif

Við skulum vona nú sé framundan menningarbylting í pólitísku starfi og skoðanaskiptum stjórnmálaflokka á milli, með nýjum "grunnlögum" frá öllu því góða fólki sem gaf kost á sér og nær kosningu í erfiðasta kosningarslag sem um getur í íslenskri sögu. Megi störf þingsins verða farsælt. Þakka þér samveruna Rósa og að gefa mér tækifæri sjá þig við störf og hugmyndasmíð við erfiðar aðstæður. Þú ert einfaldlega snillingur. Von um sæti var svo sannarlega raunhæf en ekkert "must"en áfangasigur er þegar staðreynd, dugnaðarforkur. Velkomin heim

Við hin erum vöknuð...!  og við vitum að við eigum mjög stórar og vel fylltar matarkistur sem allir landsmenn eiga rétt til fyrir skjól, fæði og klæði.

Þetta er dásamlegt land sem veitir okkur allt þetta, svo að við getum gert ýmislegt annað og haft efni á. En þetta hefur okkur tekist með því að nýta og nota rétt náttúruauðlindir landsins til sjávar og sveita. Skoðum hval en veiðum hann líka. Öll önnur tilboð eru yfirboð og draumsýnir. Hlustum ekki á neitt heimsenda kjaftæði í íslenskri umræðu.

 


Að setja kúrsin á rétta strikið!.

Í nýliðnum kosningu var Sjálfstæðisflokknum í Hafnarfirði  hafnað í þriðja sinn, en bullið og vitleysan er söm við sig nú sem áður frá blámönnum íhaldsins þar í bæ, enn verra er að Lúðvík skuli vera svo sálarsár við slíku rugli og rökleysu blámanna að bregðast okkur meirihluta bæjarbúa, sem vissum að faglegir og mannlegir eiginleikar Lúðvíks gæti áfram verið Hafnfirðingum til hagsbóta sem hingað til.

Já sjálfstæðismenn í Hafnarfirði eru ótrúlega seinheppnir við aflestur áttavita bæjarstjórnarmála okkar Hafnfirðinga.


mbl.is Lúðvík hættir í Hafnarfirði
Tilkynna um óviðeigandi tengingu við frétt

"Dagur er að kveldi kominn" segir Karl Th.

Dagur er fjallmyndarlegur, velmenntaður sérgreindur einstaklingur, fullur samúðar þar sem hennar er þörf, sem sagt socialdemokrati af vönduðustu gerð, en um leið er meðalmennskan sem leiðtogi og varaformaður afgerandi andlegur ókostur fyrir Samfylkinguna.                                                                                                                            

Karl Th. Birgisson ritstjóri Herðubreiðar þorir, Samfylkingarinnar vegna, að hafa í frammi gagnrýni og segir  " að Dagur B. Eggertsson, oddviti Samfylkingarinnar í Reykjavík, eigi að víkja og hleypa Hjálmari Sveinssyni, sem skipaði fjórða sætið á lista flokksins í Reykjavík, að. Þetta kemur fram í pistli Karls á vefnum Herðubreið. Karl er fyrrverandi framkvæmdastjóri Samfylkingarinnar".

„Hvernig væri nú að oddviti Samfylkingarinnar í Reykjavík íhugaði sína stöðu - því varla hefur hann náð þeim árangri sem hann ætlaði, hvorki nú né árið 2006? -, stæði upp úr sæti sínu og hleypti Hjálmari Sveinssyni að í borgarstjórn?" .

Hvað finnst ykkur ? kæru félagar .


Það er “bankaskapur” að ætla standa í skilum.

getfile_php_944641.jpg

Við erum tæknilega greiðsluþrota vegna okurvaxta og verðbólgu, það er ljóst.

Viðbrögð hagspekinga Seðlabanka, virðast vera best falinn sálfræðingum í áfallahjálp til greiningar.  -50 punktar enn, hvað er að? á að deyða alla atvinnusköpun og frysta alla markaði?.

Seðlabankinn segir að allt muni lækka í verði. En ríkisstjórn hækkar allt verðlag sem skapar verðbólgu sem stýrir vaxtastefnu Seðlabanka.

Nægir peningar til segja bankastjórar, en engin eftirspurn eftir lánum.

Ég sem var að vona að kapítalismi andskotans væri endanlega drukknaður í skuldum,  í þúsundum miljarða króna drullupoti frjálshyggjunnar og ábyrgðarleysi hagspekinga, stjórnmálamanna og eftirlitsstofnanna.  Nauðþurftir þjóðarinnar eru ekki forgangsmál stjórnmálanna, það er klárt..

Við eigum ekki að borga óreiðuskuldirnar annarra sagði Davíð ritstjóri, svei mér kannski, ég er sammála.

 


Krafa dagsins er ekkert grín.

Fremsta krafa landsmanna  er auðvitað að auka hag sinn - efla menningu sína - skapa börnum sínum þau skilyrði til hugar og handar að sambærilegt sé við það besta í samfélagi þjóða í nútíð og framtíð - Þess vegna verðum við m.a. að nýta auðlindir okkar, virkja, nýta og njóta af fullri reisn en detta ekki í drullupolla meðalmennsku kommatittanna sem sífellt vilja búa til og búa við pólitíska þröskulda.

En umfram allt viljum við vera Íslendingar og taka þátt í íslenskri sjálfstæðisbaráttu - baráttunni sem aldrei lýkur.  Við viljum taka þátt í að brjóta hverja þá ógnaröldu er á þjóð okkar kann að skella - eins og harðar bergnasir okkar sæbröttu strandar brjóta þungar og svalar öldur Atlantshafsins.

Við verðum líka að efla samkennd og réttlæti með þjóðinni -  og þjóða.

En eins og fram kemur í erindi þjóðskáldsins hefur okkar fallega gjöfula land með fallvötn, jarðhita, gjöful fiskimið og gróðurmold hvíslað að honum sínar kröfur og bendir okkur á leiðir:

 

Og nú flyt ég til þín þessi alvöruorð,

Sem   mitt ættarland hvíslaði að mér.

Ekki  einungis bindur ósk þess við borð,

lífið allt krefst hins sama af þér.   

(Jóhannes úr Kötlum)


Hollendingurinn er enn fljúandi.

c_documents_and_settings_jakobina_olafsdottir_my_documents_myndir_my_pictures_k0842668_829274_943661.jpgHollendingurinn hefur rétt fyrir sér, við erum ábirg samkvæmt neyðarlögunum frá okt. 2008.

Það er sem margur landinn hafi ekki áttað sig á, að bankarnir keyrðu sig í þrot og settu heimsmet í glannaskap með beinni hjálp stjórnvalda sem dró ísl. efnahag niður að feigðarfeni.
Þetta var gjaldþrot bankakerfis undir stjórn stjórnvalda sem í framhaldi standa eftir hnípin og ráðþrota.

Ofangreind rök voru notuð fyrir setningu neyðarlaganna þar sem spariinnistæður í íslenskum bönkum, án hámarks, voru tryggðar af ríkissjóði og nú verða þeir sem áttu engar innistæður að borga innistæður miljónamæringanna sem komu í bankanna með ferðatöskur af stærri gerðinni, til að ná í sparpeninginn sinn í okt. 2008.
Sparireikningar í öllum íslenskum bönkum verða að lúta jafnræðisreglum stjórnarskrár, allt  væl um annað er bara blaður og undansláttur.


Þjóðarsálin logar í endurreisnar vonum

515151a_944818.jpgÞjóðin býður eftir virkjun auðlinda þjóðarinnar og frekari nýtingu þeirra, það eru verkefnið  en ekki vandamál.

Svigrúm hefðbundinna atvinnugreina til aukningar á atvinnutækifærum eru mjög takmarkað.

Staða sjávarútvegs er slík að vart er þess að vænta að þar verði mikil nýsköpun og fjölgun tækifæra, sama niðurstaða er  í landbúnaði og ferðaþjónustu.

Byggingar og framleiðsluiðnaður eiga og munu hafa í vök að verjast.

Spurningin er hvar eru tækifæri fyrir okkar unga og velmenntaða fólk í næstu framtíð?.

Eru sjáanleg tækifæri fyrir t.d. arkitekta, verkfræðinga, viðskiptafræðinga, lögfræðinga í þessum greinum að öllu óbreyttu?. Svörin eru því miður neikvæð frá öllum sem um þessi mál fjalla.

Hvað er til ráða?.

Finnast engar lausnir neins staðar?.

Jú, sem betur fer byggjum við ríkt og gjöfult land. Við landsmenn og líka nýtingar menn náttúruauðlinda, bændur, sjómenn og virkjunarsinnar, hafa unnið eins orkan leyfir á hverjum tíma á hagrænan hátt, með hina hagrænu náttúruvernd í huga sem felst í að stuðla að hæfilegri nýtingu og koma í veg fyrir rányrkju eða spjöll á auðlindum og hlunnindum lands og sjávar svo að heimsathygli hefur verið vakin á okkar aðferðafræði og ríkidæmi.

Þjóðin býður eftir virkjun auðlinda, það eru verkefnið en ekki vandamál.

"Hún mamma kemur í bæinn bráðum og borgar skuldina mína"

358864325_3946ccce1229196302_jpgbb_921914.jpgHvað fær menn nú, til mikilla viðbragða sem upplifað hafa svo augljós rán og rippdeildir sem stunduð hafa verið að minnsta kosti frá stríðslokum til dags dató úr öllu sjóðum landsmanna og skattsvikum sem voru svo augljós að pólitískavaldið ákvað að hætta að láta skattskrá liggja frammi?.

Ég kaupi það aldrei að Alþingisskýrslan sé að valda þeim straumhvörfum sem vísað er til, því þeir íslendingar sem nenntu að hugsa og höfðu augum varla meira en hálfopin, sáu og vissu hvað fram fór.

Í Hafnarfirði varð enginn fyrir andateppu þótt tryggir og vænlegir sjálfstæðismenn gengju frá stjórnarborði sparisjóðsins með miljónatugi af gervihlutafé og sumir heimtuðu meira á markaði.

En sparisjóðurinn lá andvana eftir þar sem hann var látinn fjármagna viðskiptin.

Hvað eru menn þá að fárast yfir fáeinum krónum,  til handa févana frómum frægum frambjóðendum í ferlegri neyð, frambjóðendum sem staðið hafa vaktina í brúnni á þjóðarskútunni og lagt sig alla fram, sumir í mörg ár og áratugi við að stýra þjóðarskútunni í gegnum skerjagarðanna.

Þessir glaðbeittu frambjóðendur sem lýsa upp umhverfi sitt af bjartri áru og mannkærleika eiga allt annað skilið en öfund og afbrýðisemi  af okkur nytsömu sakleysingjunum.

Ég get skilið afbrýðissemi hinna sem hafa ekki af svo miklu að státa og sem aldrei hafa fengið að standa brúarvakt, en að sjallarnir fái svo heiftarlegt samviskubit og fráhvörf sem raun ber vitni, er erfitt að skilja.

En þá ber að hafa í huga að aðalleiðbeinandi Sjálfstæðismanna fyrrverandi ritstjóri Morgunblaðsins sagði við einn aðal styrkþegann að hann ætti ekki skilið að fá aura því hann tilheyrði ekki fjölskyldunum þrem sem ættu Sjálfstæðisflokkinn.

"Hitt er víst að hann átti ekki aura,

en ætíð er lögmálið svona;

á hamingju er heimurinn nískur,

hvort heldur er vín eða kona,

ef tóm eða týnd er vor budda

--þá er tilgangslaust á hann að vona."

(Jóhannes úr Kötlum.)


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband