Sálmur heiðingjans í Draumalandi.

Gagnrýnislaus einsýni segir náttúrulaus sjálfskipaður "náttúrupólitíkus" um gjörðir landsfeðra okkar í virkjunarmálum, sem í góðri trú voru og eru að reyna viðhalda velferðakröfum okkar sem búum þetta land og nýta þau epli sem land okkar gefur til þess að seðja hungur okkar og allt sem fegrar það svo sem menning og listir. Sem sagt líka andans fæðu.

Sækjum gegn pólitískum trúðum, með allt niðrum sig í atvinnumálum.

Reynt er að blekkja þjóðin endalaust. Sömu gömlu lummurnar matreiddar endalaust í viðhengisþætti frétta ríkisútvarps og af pólitísku öfga liði undir merkjum náttúruverndar um að við eigum ekki mikið lengur okkar fagra og hreina föðurland.

Til mikillar gleði fyrir slíka afturhaldsseggi er Landsvirkjun á svonefndum athugunarlista matsfyrirtækisins Standard & Poors sem telur stöðu fyrirtækisins hafa veikst og svo geti farið að lánshæfismat verði talið neikvætt.

Staðreyndin er hinsvegar sú að orkufyrirtæki sem framleiðir orku og hefur þar að auki einokunarstöðu á markaði, er eftirsóttasti viðskiptavinur þeirra sem þurfa að koma fjármagni í vinnu hvar sem þau eru staðsett í heiminum.

Ég spyr, er von á innrás með hjálp matsfyrirtækjanna, á sama hátt og gerð var útrás með þeirra hjálp með svo alvarlegum afleiðingum sem raun bar vitni.

Ljóst er að kapítalistar allra landa vilja eignast svona gullnámu sem Landsvirkjun er og verður um alla framtíð, líka íslenskir kapítalistar.

Reynið nú að herða upp hugann virðulegu þingmenn.

Hæstvirtir þingmenn!!!!!.

Í stað þeirrar véfréttagleði sem þið hafið í frammi í sífellu um hve viðfangsefnin séu erfið fyrir ykkur að leysa, ættuð þið að muna að forseti Íslands setti verklagið fyrir ykkur, sem var eftirfarandi

" að Alþingis biðu síðan erfiðari verkefni en oftast áður; endurreisn fjármálakerfis, atvinnulífs og heimilanna, að tryggja velferð þúsunda sem glími nú við atvinnuleysi, tekjutap og eignamissi og að efla umsvifin í byggðum landsins".

Reynið nú að hysja upp buxurnar, bretta upp ermar og farið að taka fram lausnarverklag forsetans gæskurnnar. Áfram nú.

Gangi ykkur öllum vel.

Skugga "sveinar" Alþingis.

En hver eru fórnarlömbin í Icesave? Jú, fórnarlömbin í málinu eru íslenskir skattgreiðendur. 

Gerendur í málinu voru hinsvegar ótvírætt ísl. stjórnvöld,þ.e. fjármálaeftirlitið og ráðuneytin öll sem fóru með banka og efnahagsmál.

Við eigum ekki að borga óreiðuskuldirnar sagði Davíð á sinn afgerandi hátt í Kastljósinu.

Um það þyrfti ekki að ræða  frekar skildist mér.

En Geir Haarde viðtakandi og lærlingur Davíðs sagði hinsvegar "að við yrðum að borga"  Hann ætlaði að borga 1100miljarða kr. með láni á 7% vöxtum.

Með neyðarlögunum hans sem samþykkt voru á Alþingi 6. október, 2008, tók Alþingi fulla ábyrgð á sparifjárinnistæðum íslenskra banka.

 

Þrætubók stjórnarandstöðu "gerandanna" er sem skítugt klám. Annað ekki.

 

Þeir sem lögðu þennan bagga á herðar íslensku þjóð ættu að sjá sóma sinn í því að hafa hljótt um sig að minnsta kosti svo lengi sem þjóðin er að borga skuldirnar, sem þeir stofnuðu til eða báru ábyrgð á, en það gerði Framsóknar flokkurinn af mikilli reisn undir góðri leiðsögn Davíðs og Geirs.

Morgunógleði vegna " Sunnudagsmogga"

Hinum gjörbreytti Sunnudags-Moggi veldur mér miklum vonbrigðum, þetta
er bara innantómt pistlablað gamalla pistla  m.a. um forseta vorn eftir
Agnesi Bragadóttur, sem segir bara að hún og Mogginn séu ekki mjög
hrifin af forsetanum, sem svo æði oft áður, og síðan pistlar um aðra
stórlistamenn en þann á Bessastöðum af svipuðum meiði. Ekki skil ég
hvernig Mogganum mínum dettur í hug að spilla "morgun"gleði lesanda með
slíkum pistlum.

Okkur er bara boðið upp á tæra snild !. Skárra væri nú?.

Hér er tillaga að tekjum fyrir ríkissjóð.

Inní bankakerfinu liggur nú verkefnalaust 2000 miljarðakrónur, því væri þjóðráð að hækka fjármagnstekjuskatt í 25% og viðhalda verðbólgu í 15% og hafa 5% innlánsvexti.
Afkastageta á ári er því 100 miljarðar fyrir ríkissjóð +

margveldisáhrif.

Ekkert er "óð" eðlilegt, svona er ránsherferðin á sjóði gamlafólksins í hnotskurn þetta er því jafnrétti.

Og enn er nóg af okkur ruglukollum Íslands til að borga þessa vitleysu, við erum orðin svo vön að borga bara og kreista fram bros um leið.

Okkur hefur ekki verið boðið annað af snillingum stjórnvalda.

Hananú!

 

"Hver kynslóð gaf allt, sem hún átti, í sjóð,

og í þeirri von, að það geymdist:

sinn yl, sína harma, sitt hjarta, sitt blóð,

--en hluturinn smælingjans gleymdist."

Jóhannes úr Kötlum kvað þennan tón.

"Á okkur dæmist á sukkinu sökin, Og svelta því megum um ókomna tíð".

Send var mér stikla sem Stefán Jónsson kvæðamaður kveður í uppgjöri við Jóhönnu;

Nú er ég kominn á níræðisaldur

Í nösunum merki ég grafarmoldarþef

Fjármálaráðherra verður þess valdur

Að viðnám við dauðanum lítið ég hef.

Með heilagri Jóhönnu hamast nú á mér

Og hirðir þá aura, sem sparað ég gat

Til ellinnar hugðist ég eiga þá hjá mér

Svo efni ég hefði á lyfjum og mat.

Það er ekki að undra að þótt snillingar orðlistar kveði kröftugar hendingar um ímyndaðan veruleika fyrstu hreinræktuðu vinstri ríkisstjórnar íslendinga um að breiðu bökin séu eldri borgarar þjóðarinnar.

Því ríkistjórn hefur hækkað allt sem hún getur hækkað og viðskiptalýður landsins fylgir því fordæmi og hefur hækkað matarverð um tugi prósenta og ekki dugar að láta sér nægja íslensk matvæli því þau hafa sum hver hækkað mest eða um og yfir 50% -sérstaklega landbúnaðarvörur. Bensínverð hefur aldrei verið hærra. opinber þjónusta hækkað gífurlega. Lyfjaverð og heilbrigðisþjónusta er varla viðráðanleg nema betur stæðum.
Tekjuauki engin finnanlegur og þótt svo væri ekki nothæfur nema svartur væri, vegna skerðingar og skattaauka. Og stjórnmálastéttin seilist dýpra og dýpra í tryggingarsjóð okkar eldri og öryrkja með svo hræðilegum aðferðum að helst má líkja við aðferðafræði mafíósa.  

Gjótum augum aðeins yfir þá "sviðnu jörð".

Lífeyrisþegar geta haft 99 þúsund kr. í fjármagnstekjur á ári án þess að það skerði lífeyri almanna trygginga. Fjármagnstekjur umfram það skerða lífeyrisgreiðslur að fullu, í stað 50% áður. Já ósvífnin er ótrúleg þar sem verðbætur vegna rýrnunar höfuðstóls sparnaðar er taldar fjármagnstekjur, dæmi:

Jóna gamla átti eftir ævilangan sparnað, ótal gengisfellingar fyrir útgerðarmenn landsins og neikvæða ávöxtun um áratugaskeið, eina miljón króna á verðtryggðum sparireikningi allt árið 2008, vextir voru 4% en verðbólgan var 16%.

Jóna fékk 40þkr. vexti en höfuðstóllinn er verðbætur um 160 þkr.

Samtals "fjármagnstekjur" 200þkr í stað 40þkr.

Jóna er tekjulaus einstaklingur með 1640þkr/ári eftirlaun almanna trygginga eftir skatta

Samtals skerðir þessi sparsemi Jónu bætur hennar um 200-99= 101þkr á ári.

En Jóna varð fyrir því "óhappi" að erfa sparsjóðsbókina hennar Siggu frænka sinnar sem hafði lifað ríkan eiginmann sinn í barnlausu hjónabandi um mitt ár  2008 með 8 miljóna króna inneign. Þar með urðu fjármagnstekjur Jónu allt í einu 800 + 101=901þkr, og til rýrnunar eftirlauna niður í núll síðustu sex mánuði 2008 miðað við núverandi skerðingar + 300þkr. viðbótar skattareikning frá Steingrími fjára .

Hún fær engin eftirlaun 2009 frá almanna tryggingum en Steingrímur fjári fær um 600þkr. frá Jónu í viðbótarskatta. Jóna gamla er "breiða bakið" nú á elli árum með um 70% heildarskattlagningu og er því í ofurmannaflokki Steingríms Fjármálaráðherra.

Jóna gamla er ýmsu vön eftir grýtta vegferð hennar kynslóðar að bættum lífskilyrðum fyrir íslenska þjóð, en nú er hún verulega uggandi vegna frétta um að Steingrímur ætli að hækka fjármagnsskatt frá 15% í 25%, því þá verða jaðarskattar hennar langt yfir 100%.

Stefán kvæðamaður æðrulaus með þykkan skráp, kveður og Jóna tekur sjálfsagt undir;

Við gamlingjar höfum víst breiðustu bökin

Og brugðist því getum við álagahríð

Á okkur dæmist á sukkinu sökin

Og svelta því megum um ókomna tíð.

Andmæla réttur mér engin er gefinn

því ei mátti verða á framkvæmdum töf,

Hjá ríkisstjórn Jóhönnu reiddur var hnefinn

svo rétt hef ég hvorki á kistu né gröf.

Það er kristal klárt að sundraðir föllum vér.

Farið nú að róa ykkur niður gæskurnar í brú þjóðarskútunnar.

Þið handhafar ríkisvaldsins verða að slíðra sverðin og leggja til hliðar innantóma og stórskaðlega þrætulist um getu eða getuleysi hvors annars til að leysa verkefnin.

Ríkisvaldið allt þarf að hysja upp um sig brækurnar og breyta rétt til betri og tryggari tilveru svo ekki þurfi nýjan sáttmála við Norðmenn eða aðra. 

Hvor er betri líkindareikningur skilanefndar eða Ögmundar?.

Ögmundur er engum líkur, frekar en Georg Bjarnfreðarson.
Því ekki að undra að Morgunblaðið líti á hann sem Messías íslenskra stjórnmála um þessar mundir og vilji allt til vinna að hann auðgi sem um muni hugmyndasmíðar sjálfstæðismanna.

Ögmundur segir að uppgjör Landsbankans, sem bendir til þess að 90% af Icesave skuldbindingunum muni fást út úr þrotabúi Landsbanka Íslands, breyti engu fyrir afstöðu sína til Icesave málsins. „Það sem við erum að tala um í þessu samhengi er að þetta er byggt á líkindareikningi og hvorki ég né þú vitum hver veruleikinn verður," segir Ögmundur. Málið snúist um lagalegu fyrirvarana. „Þannig að þetta snýst ekki núna um krónur og aura eða penny og pund eða evrur eða hvað það nú heitir," segir Ögmundur.

Þetta eru Georgs fræðin í hnotskurn, framsett af örgum Ögmundi en Morgunblaðið sleikir samt út um.

Þjóðin á sem sagt að meta meiri verðmæti í arfavitlausum fyrirvörum frá Alþingi íslendinga en krónur, pund eða evrur eða hvað þessir peningar heita nú sem heimili landsmanna skortir svo mjög vegna afglapa íslenskra stjórnvalda á liðnum áratug.

"It is hard to think of a European country more incompetently run in the past 20 years than Iceland.

Glöggt er gest auga, því er nú ver og miður. En það rifjast upp að hægt er að verja málstað erfiðra hagsmunamála ef enn eru til meðal þjóðarinnar menn eins og Jónas Árnason sem talaði tjalanna niður á vælustall í landhelgisdeilum á sínum tíma. Hvar er nú slíkir snillingar?.

"Meltdown Iceland", eftir Roger Boyes blaðamann fær góða dóma í Sunday Times

"It is hard to think of a European country more incompetently run in the past 20 years than Iceland.  The credit crunch bankrupted the nation."

"Boyes reproduces in its entirety the chilling transcript of the telephone conversation between Britain's chancellor, Alastair Darling and his Icelandic counterpart, Arni Matthiasson, as the news broke that the Icelandic banks were intending to default on their obligations to their British customers. 'We are in a very, very difficult situation' wails Matthiasson. 'I can see that'  says Darling ... in the quietly threatening manner of a mafia accountant who wants his boss's money back."