Neikvæð ávöxtun sparifjár.

Auðvitað er eðlilegt við núverandi aðstæður að hækka fjármagnstekjuskattskatt á tekjur af arði frá fyrirtækjarekstri, leigutekjum,  verðbréfum eða öðrum viðskiptaarði, en vandinn er bara sá að verðbætur vegna rýrnunar höfuðstóls sparnaðar er taldar fjármagnstekjur og með hækkun  í 18% þá verða jaðarskattar á sparifjár inneigna í bankakerfinu langt yfir 100% og ávöxtun sparnaðar verulega neikvæð.

Það segir sig sjálft að verðtryggingarlögin voru sett með það að markmiði að verðmæti sparifjár væri það sama við úttekt sem það var við innlán. Lögin höfðu þó að megin markmiði að efla sparnað í landinu.

Það segir sig því einnig sjálft að sparnaður mun, með núverandi skattlagningaraðferð  rýrna mjög eða leggjast af með öllu.

Verðbætur eru ekki tekjur og engin rök til staðar fyrir skattlagningu þeirra með tekjuskatti.