Niðurif, nornaveiðar og svartnættisrugl.

Ríkistjórnin hefur nokkra sagnfræðinga innanborðs, en sem betur fer
ekki marga hagfræðinga. Forsætisfrúin ætti að biðja þá, þ.e.
sagnfræðingana, að skoða hvernig Svíar komust efnahagslega sterkust
þjóða frá heimskreppunni 1929-1932. Wigfors kenningin segir einfaldlega
betra að ríkisjóður framleiði eldspítur sem seljast þótt síðar verði og veiti atvinnu,
en að fylgja kapítalískum óreiðukenningum sem ævinlega fara með
lífskilyrði þjóða á ystu nöf með jöfnu millibili. Farið nú að stjórna
vitrænt gæskurnar, forðist Sturlunga og burtu með svartnættið, uppþot,
niðurrif og nornaveiðar á saklausu bankafólki.

Já, gerum breytingar.

 

Þann 16 febrúar birtist grein í Morgunblaðinu eftir Árna Mathiesen f.v. ráðherra sem vert er að hafa að leiðar ljósi á framtíðarbrautum þeirrar viðreisnar sem framundan er.

Í greininni er á mjög skýrann og heiðarlegan hátt gerð skil á þeim mistökum sem voru gerð á nýliðnum árum og þau staðsett og greind. Þá er og sett fram krafa um skýra framtíðarstefnu og hugarfarbreytingu.

Við lestur greinarinnar finnst mér Árni vera  að leggja sitt af mörkum til að landsmenn geti gengið sameinaðir að því stóra verkefni sem endurreisn íslenska lýðveldisins er á grundvelli raunverulegrar þjóðarsáttar. Hafi hann þökk fyrir.

Það er einmitt krafa allra landsmanna sem lifa við raunverulega jarðtengingu við fósturjörðina að stjórnmálamenn leggi af  þá innantómu þrætubókarlist sem einkennt hefur íslenska stjórnmála umræðu allan lýðveldistímann og einhendi sér í raunverulega vitræna rökræðu um endurreisn og styrkingu varna í sjálfstæðisbaráttu þjóðarinnar.

Nýliðna "núið" er á enda runnið enda einkenni þess fráhvarf frá mjúkum mannlegum gildum, friðhelgi einkalífsins, almennum tryggingarréttindum og jöfnuði milli landsmanna.Tímabilið var tími hinna hörðu gilda þar sem afbökuð og heimatilbúin lögmál markaðs- og peningahyggju eru voru allsráðandi.

Ef unga fólkið á morgun yrði spurt hvað það væri sem skipti þjóðina mestu máli þegar til framtíðar er horft, þá held ég  að svarið yrði að í landinu fái þrifist réttlátt samfélag með blómlegu atvinnulífi í sátt við náttúru landsins.

Skáldið frá Kötlum sem hafði hugleitt þessi mál landsins komst að sömu niðurstöðu;.     

Þannig mælti mitt land. -

Og ég reis upp úr rúst þeirrar ráðlausu borgar, er féll.

Og hin dagelska sól skein á dauðblakka þúst og brá dýrðlegum roða yfir fell.

Og ég gekk upp á hæðina hljóður og sæll, mér var horfin öll iðrun og sorg,

og sem herra míns lífs, en ei hégómans þræll, lagði ég hornstein að annarri borg.

 

Fremsta krafa landsmanna  er auðvitað að auka hag sinn - efla menningu sína - skapa börnum sínum þau skilyrði til hugar og handar að sambærilegt sé við það besta í samfélagi þjóða í nútíð og framtíð. En umfram allt viljum við vera Íslendingar og taka þátt í íslenskri sjálfstæðisbaráttu - baráttunni sem aldrei lýkur.  Við viljum taka þátt í að brjóta hverja þá ógnaröldu er á þjóð okkar kann að skella - eins og harðar bergnasir okkar sæbröttu strandar brjóta þungar og svalar öldur Atlantshafsins. Við verðum líka að efla samkennd og réttlæti með þjóðinni, milli byggða og milli manna - og þjóða.

En eins og fram kemur í loka erindi skáldsins hefur okkar fallega gjöfula land með fallvötn, jarðhita, gjöful fiskimið og gróðurmold hvíslað að honum sínar kröfur og bendir okkur á leiðir:

 

Og nú flyt ég til þín þessi alvöruorð,

Sem   mitt ættarland hvíslaði að mér.

Ekki  einungis bindur ósk þess við borð,

lífið allt krefst hins sama af þér.   

Hvað er ég? Hvað ert þú? Hvað er hún? Hvað er hann?

Sama hönd, sama önd, sama blóð.

• Að slá skjaldborg um réttlætið, maður við mann, það er menningin, íslenska þjóð! (Jóhannes úr Kötlum)

 

Erling Garðar Jónasson .

Prófkjörið kjánalega hjá Samfylkingunni í kraganum.

Staðfest úrslit í Suðvesturkjördæmi

Frá Samfylkingunni í Suðvesturkjördæmi

Fundur haldinn í stjórn kjördæmisráðs og kjörstjórnar Samfylkingarinnar í Suðvesturkjördæmi 16. mars 2009 í Hafnarfiðri vegna framkominna athugasemda um framkvæmd prófkjörsins 12. - 14. mars síðastliðinn. Farið var ítarlega yfir framkvæmdina og var einhugur um að öllum leikreglum hafi verið fylgt í þaula. Utankjörfundaratkvæði voru alls 259. Þar af voru metin gild 112 en 147 voru ekki á kjörskrá. Stjórn Kjördæmisráðs Samfylkingarinnar staðfestir niðurstöður prófkjörsins.

 

 Það sem ég sá gerast á kjörstað.

 Samkvæmt upplýsingum sem ég hef aflað var ekki framlögð eða aðgengileg kjörskrá fyrir stuðningsmenn og kjósendur Samfylkingarinnar til skoðunar í aðdraganda prófkjörsins.  Áhugasamir  væntanlegir kjósendur urðu hinsvegar að gefa sig fram og spyrja um hvort þeir hefðu kosningarétt,  en frestur til að spyrja um réttarstöðu rann út þrem dögum fyrir kosningar.

Þar sem ég sat ánægður og glaður á kjörstað og naut kleinunnar og kaffisopans sem mér svo höfðinglega var boðið að njóta eftir að ég hafði valið á milli alls þessa frambærilega unga fólks sem í boði var, sá ég til kjósenda sem afhent var umslag af kjörverði til að setja kjörseðilinn sinn í og ég sá hann líka setja seðilinn í umslagið og skrifa eitthvað á umslagið, sennilega hugsaði ég, er maðurinn að ganga frá utankjörstaða atkvæði fyrir Reykjavíkurkjördæmi.  En, eitthvað er þetta skrýtið hugsaði ég, hvers vegna fær maðurinn þá ekki tvö umslög svo tryggð sé kosningaleynd.

Sannleikselskur flokksbróðir minn upplýsti á leið okkar frá kjörstað út af öllum mínum hugleiðingum, að kjörstjórn bæri svo mikinn kærleik í brjósti til kjósenda að ef þeir væru ekki skráðir á kjörskrá skildu þeir samt sem áður fá að kjósa svo myndi  talningardeild kjörstjórnar ákveða  afdrif atkvæðisins.

Ég spyr, eru við að upplifa einhverja komma aðferð við framkvæmd kosninga hjá minni kæru Samfylkingu?.

Úr gamla blogginu sem hvarf.

Hvað er þetta annað ?, Hafnfirðingar.

03.04.2007.

 

Sem jafnaðarmaður og lýðræðissinni frá barnæsku hef ég orðið fyrir miklum vonbrigðum á liðnum sólarhringum með þá umræðu sem annars svo innantómir og vælu skapandi ljósvakamiðlar hafa vakið ásamt og með núverandi og uppgjafa pólitískum piltum og stúlkum í þáttum sínum. Sjálfskipaðir vitringar hafa farið á kostum með málstað okkar sem voru meðmælt því deiliskipulagi sem um var kosið. Lista tónsmiður Gaflara, Magnús Kjartansson sagði okkur sennilega vera haldna elliglöppum. Sjálfur höfuðkratinn Jón Baldvin dáðist af heilbrigðri dómgreind andstæðinga tillögunar með mörgum fögrum orðum. Þar með var upphafið dómgreindarleysi okkar "hinna". Áttatíu atkvæða munurinn var upphaf nýs tíma Íslandssögunar að mati sendiherrans. Ég held hinsvegar að niðurstaðan sé upphaf harðari átaka um atvinnumál en nokkru sinni áður.
Já, já var einhver að tala um sættir, og allt yrði sem áður í Hafnarfirði. Já, vonandi verða sem flestir sáttir piltar og stúlkur í meirihluta bæjarstjórnar. En ég er ekki sáttur með vingulshátt ykkar í þessu máli og hræðilegt virðingarleysi ykkar við kjölfestu fyrirtæki Hafnfirðinga í marga áratugi. En ég vill minna á að skoðanakönnunin þarf formlega afgreiðslu bæði í bæjarstjórn og bæjarráði og þá krefst ég þess að þið öll gerið grein fyrir afstöðu ykkar til málsins. Ég kaus ykkur til starfa að stjórn bæjarins í nafni jafnaðarstefnunnar til að gæta allra hagsmuna bæjarbúa og fyrirtækja í nafni stefnunnar, en ekki öfga.
Ég var 1971 einn af stofnendum fyrsta náttúruverndar félags landsmanna og var í fyrstu stjórn þess, en hætti þegar öfgarnar helguðu tilganginn. En samt sem áður er ég jafn elskur íslenskri náttúru og hreinu andrúmslofti eins þessir grænu gaurar og stelpur, sem eru kannski grænir að utan en eru helrauðir að innan. Og minni "Framtíðarlandið" á, að Ísland verður aldrei grænt né grátt, það er og verður mórautt. Blágrátt í þeirra hillingum vonandi sem okkar hinna. Við "hin" sem erum dómgreindarlaus að mati Jóns Baldvins erum án efa jafnmiklir íslendingar og elskum íslenska náttúru og umhverfið eins þeir sem nú um stundir berja sér um brjóst og níða niður "okkur hin" í pólitískum tilgangi.
Allt þetta felur aðeins í sér að svara spurningunum um hvernig við finnum jafnvægið milli nýtingar auðlinda, álags á umhverfi og þarfa fólksins í landinu en ekki með þeirri þrætubókarlist sem sjálfskipaðir verndarar umhverfisins með heilbrigðu dómgreindina hafa haft í frammi með slíkri væmni að flestum verður flökurt af sem nenna að hugsa. Það eru til fleiri litir en hvít og svart. Hvað er annars þetta annað , sem á að gefa okkur 600 mkr. í bæjarsjóð í staðinn?.

Og nú flyt ég til þín þessi alvöruorð,
Sem mitt ættarland hvíslaði að mér.
Ekki einungis bindur ósk þess við borð,
lífið allt krefst hins sama af þér.
Hvað er ég? Hvað ert þú? Hvað er hún? Hvað er hann?
Sama hönd, sama önd, sama blóð.
· Að slá skjaldborg um réttlætið, maður við mann, það er menningin, íslenska þjóð! (Jóhannes úr Kötlum)

Erling Garðar Jónasson.

 

 

 

 

Get ekki orða bundist.

16.01.2009.

„Sé forystan ónýt til boðs eða banns skal byggja á sjálfsdáð hins einstaka manns. Ef afveg er stýrt fram til ystu þramar, ef allsherjar-skipun bælir og lamar, á héraðið vald, milli heiðar og sands. Sé almúginn sínum foringjum framar, er festa hans vígsins síðasti hamar. Vaknaðu, reistu þig, lýður míns lands." (Einar Benediktsson) 

Ég hef ekki lagt í vana minn að rita aðfinnslugreinar um verk minna ástkæru stjórnmálamanna, sem vegna einstakra kosta sinna og manngildis eru fremstir sinna jafningja, og þessara eitilhörðu Arnarhólsstráka og stelpna sem fylgja orðið foringjunum eftir að stólum hinnar eilífu ellilaunahamingju sem ráðherra-stóllinn er.En fyrir lýðræðissinna sem mig og mína líka, er það „harakiri" sálarinnar að viðurkenna að slíkar gæskur séu skammsýnar og villugjarnar sem við hin.Við höfum lengi trúað að það séu blessaðir embættismennirnir sem hafi hlutverk púkans á fjósbitanum og gæskurnar þurfi á því einu að halda frá okkur að við herðum mittisbeltið og séum svo vammlausir að fjósbitafólið sé sífellt kveðið niður. En, svo þegar krosstré ráðherrastólanna sem gæskurnar okkar ríða á eru við að bresta vegna þess að sitjandi stólsins og meðreiðar sveinstaular og stúlkur íþyngja máttarviðum með andvara- og aðgerðaleysi, bergmála brestirnir í sálarkytru okkar nytsamra sakleysingjanna og skapa eyrnaverk, tannverk, magaverk og að lokum hausverk, síðan sálarverk tómleikans,sem kemur af að hafa tapað„glæpnum" og skynja að varnarstríði sjálfstæðis baráttu okkar fámennu þjóðar sé á vonarvöl.

 Og -, þjóðin spyr, hvað er að hjá stjórnendum þessa lands sem sigla að virðist þjóðarskútunni á sker hvert annað andartak á söguskeiði lýðveldistímans, á og eftir mestu góðærum  þeirrar sögu.

Auðvitað fyllist þjóðin kvíða nú sem áður, og Arnarhólsfólkið okkar auðvita líka. Tjónið af strandi þjóðarskútunnar getur hæglega farið yfir 2000 miljarða króna og strandgóssið er sennilega verðlítið . Auðvitað sitja eftir eignir um allt höfuðborgarsvæðið sem Mattador leikir  bankana gáfu, svo sem 50 miljarða tónlistar höll.   Varla er þó að reikna með miklum arði af slíkum verðmætum í bráð.

 Og kvíðakrankleiki þjóðarinnar er nú að nálgast hámark, því það virðist ekkert vera að gert á hriplekri þjóðarskútunni, aðeins tappað í nokkur göt, vissulega við kjölinn, meðan fossar inn og út um stórar rifur á þilfari undir fótum átta-villtra og ráðalausra skipstjóra og stýrimanna hans. Já, púkarnir á fjósbitanum eru margir, en það sem verst er og um leið ástæða þessara skrifa, er sú augljósa staðreynd að vegna upplýsingastefnu stjórnvalda virðist sem engin viðleitni finnist hjá ríkisstjórn minna ástkæru stjórnmálamanna, þessara mætustu manna og kvenna okkar litla þjóðfélags til að axla sína pólitísku ábyrgð og taka að sér að breyta þessu rugli, þessu skrípi, sem heitir efnahagsstefna íslenska ríkisins.  Af hverju ekki verðstöðvun á opinbera geirann?, eins og 1988, sem hluta nauðsynlegrar þjóðarsáttar sem auðvitað er nauðsynlegt að náist nú eins og þá. Er það kannski vegna hræðslunnar við að - hjásetarnir, - atvinnurekendur, verkalýðs hreyfing, banka-valdið og stjórnendur hinna „munaðarlausu" fyrirtækja ríkisins (þ.e.víst fyrirtæki okkar landsmanna), fara sínu fram og fari sínar leiðir þrátt fyrir að settar væru leikreglur með lögum, og bókstaflega gerðu grín að ríkisstjórninni og settum lögum eins og útrásarvíkingar og einkabankarnir komust á lag með að gera vegna veikleika eftirlitsaðila stjórnvalda á næstliðnum árum.Já - púkarnir eru mættir í algjöru algleymi, rústa á sjúkrahúsa kerfið, farið verður að heimta aðgangseyri við innlögn á sjúkrahús, skattar og verðtryggingar tengd gjöld hafa verið hækkuð. Innlendar landbúnaðarvörur hafa hækkað um 30%-40% s.s. ostar, brauðálegg ofl, því framleiðendur telja sér fært að feta í fótspor landsfeðrana og segja, fyrst að þeir stíga þessi spor, þá fetum við í spor þeirra.Og fólkið spyr, er virkilega nauðsynlegt að halda hinum almenna launþega, launtakendum lífeyris og lántakendum langt fyrir neðan sultarmörk þegar flestir eru þá þegar sveltir til andlegrar og líkamlegrar heljar, fyrir okurvaxta Hrunadans og peningapúkastefnu Ólafslaga og öðrum svívirðilegum aðgerðum peninga-„páfa" þjóðarinnar, s.s. framhald okurvaxta sýnir ?. Já - púkarnir á fjósbitanum eru margir og vissulega er erfitt fyrir ríkisstjórnina að kveða fólin niður en það verður hún að gera til að standa undir nafni. Ríkistjórnin hefur nokkra sagnfræðinga innanborðs, en sem betur fer ekki marga hagfræðinga. Skipstjórinn ætti að biðja þá, þ.e. sagnfræðingana, að skoða hvernig Svíar komust efnahagslega sterkust þjóða frá heimskreppunni 1929-1932. Wigfors kenningin segir einfaldlega betra að ríkisjóður framleiði eldspítur sem seljast og veiti atvinnu, en að fylgja kapítalískum óreiðukenningum sem ævinlega fara með lífskilyrði þjóða á ystu nöf með jöfnu millibili.Farið nú að stjórna vitrænt gæskurnar, forðist Sturlunga og burtu með svartnættið, uppþot, niðurrif og nornaveiðar á saklausu bankafólki.

Kjánaleg Kosningastjórn í Kraganum.

Óskipuleg  og handahófsleg kosningastjórn hjá Samfylkingunni í kraganum.

Ég spyr, hvers vegna neituðu kosningarstjórar kjörstaðanna ekki óhæfum kjósendum um kjörseðla fyrst fram kom að þeir væru óhæfir samkvæmt heimagerðum "eftir á" kosningareglum kjörstjórnar. Ristir lýðræðisást Samfylkingar stýrimanna í Kraganum svona grunnt ?.

Sem dropi breytir veig heillar skálar.

 

Í heilstæðri löggjöf  um málefni aldraðra nr. 125/1999 segir um tilgang lagana;

 

Lögin fela í sér þau markmið að gera öldruðum fært að lifa eðlilegu heimilislífi eins lengi og kostur er og að öldruðum sé tryggð þjónusta þegar hennar er þörf og í samræmi við þarfir hvers og eins. Ásamt því er lögð áhersla á að aldraðir njóti jafnréttis og að sjálfstæði þeirra sé virt.

Já elliheimilisformið með sviptingu sjálfstæðis og sjálfræðis eða verða hornreka og íþyngjandi heimila barna sinna er ekki lengur bjóðandi eldri borgurum þroskaðrar þjóðar segja þessi lög. En hvernig skyldu efndir lagana vera?.

 

Samtök aldraðra hafa sýnt og sannað á  36 ára starfstíma sínum að hafa axlað sína ábirgð í sameiginlegri baráttu opinbera aðila og samtaka eldri borgara fyrir þeirri grundvallar þörf hvers eldri borgara að búa við félagslegt öryggi og heilbrigðis þjónustu, við sem minnstan samfélagskostnað þegar haldið er að ævikvöldi. Aldraðir eiga sem aðrir að geta valið hvernig þeir vilja haga lífi sínu í leik og starfi.  Auðvitað á að virða sjálfræði eldri borgara við val á þjónustu þegar þeir þurfa á stuðningi samfélagsins að halda.  Þetta á ekki síst við um að auðvelda sjálfstæða búsetu eins lengi og kostur er með öflugri  heimilis, hjúkrunar og félagslegri þjónustu .

Auðvitað þarf að vera til hjúkrunarvist fyrir eldra fólk þegar þess gerist þörf eins og fyrir aðra þegna samfélagsins. En hafa skal í huga að heimahjúkrun fyrir eldri borgara, lækkar kostnað samfélagsins um þrjá miljarða króna á ári samkvæmt nýlegum opinberum tölum.

 

Samtök aldraðra voru stofnuð  þann 29 mars 1973, stofnfélagar voru 450. En nú eru félagar hátt í fjögur þúsund. Fyrsta grein laga félagsins hvað á um að félagið héti  Samtök aldraðra og í þriðju grein var tilgangur félagsins greindur í fimm liði;

1.Stuðla að byggingu hentugra íbúða fyrir aldraða. Stjórn skipar byggingarnefnd.
2.Vinna að aukningu á sjúkrarýmum fyrir aldraða sem þurfa hjúkrunar við.
3.Stuðla að bættri þjónustu hins opinbera við aldraða í heimahúsum.
4.Stuðla að samvinnu við hliðstæð félög innlend og erlend.
5.Vinna gegn því að öldruðum sé íþyngt með óeðlilegum skattaálögum.

 

Þótt vægi markmiðana hafi breyst í takt við þróun og þarfir eru þetta enn megin markmið.

Það er og hefur frá fyrstu tíð svo sannarlega verið metnaðarmál Samtaka aldraðra að búið sé að eldri borgurum við þær aðstæður og þjónustu  sem miðist  við einstaklingsbundnar þarfir og best fáanleg gæði í eigin íbúð við sem lægstan kostnað. Samtök aldraðra hafa byggt 12 fjölbýlishús með 357 íbúðum í góðri samvinnu við og í mikilli sátt við borgar yfirvöld. Húsin eru öll í glæsilegu og hentugu umhverfi, með sérhönnuðum íbúðum fyrir umgengis þörf eldra fólks, ásamt með sameiginlegum þjónusturýmum til félagslegra athafna. Meðalaldur íbúa í íbúðum sem byggð hafa verið fyrir tilstuðlan Samtaka aldraðra er mjög hár í samanburði við þjónustu íbúðir sem reknar eru með fjármagni ríkisins og er það mjög umhugsunar verð staðreynd.

Það er líka nauðsynlegt að halda á lofti þeirri staðreynd að öllum áðurnefndum íbúðum hefur verið skilað til íbúðar eiganda við verð sem helst má líkja við kostnað fyrri tíma við byggingu eigin íbúðar, þar sem allt var byggt með eigin hendi.
Þannig varð brúttó verð hvers fermetra á Sléttuvegi 19-23.  127,8  þ.krónur við afhendingu í apríl 2007. Hvernig var þetta hægt? spyrja menn gjarna. Jú með því m.a. að félagar samtakanna leggja fram mikla sjálfboðavinnu við alla umsýslu byggingarframkvæmda og með mikilli heppni í verktaka vali.

Erling Garðar Jónasson formaður stjórnar Samtaka aldraðra.

Viljum við vera í skerjagarðinum endalaust ?.

 Samkvæmt Fráttablaðinu í dag, skoðannakönnun, 54% móti ESB, 45% með.

Og -, maður spyr, hvað er að hjá stjórnendum þessa lands sem sigla að virðist þjóðarskútunni á sker hvert annað andartak á söguskeiði lýðveldistímans, á og eftir mestu góðærum  þeirra sögu.

Þarf ekki hjálpa þeim?.