Það versta hingað til var "the day after the night before"

Þetta eru búnir að vera erfiðir 14 dagar því það er erfitt að vera þetta flensubitna "svín" m.a. bryðjandi Tamiflu 75mg til reyna hafa stjórn á öllum veirunum, lauk þeim kúr í kvöld. Ég var rekinn á Læknavaktina þegar ég reyndi að fá þjónustu heilsugæslunnar minnar. Ekkert nema þjónustugæði þar að finna. Miklir höfðingjar heim að sækja.

Kannski þarf ég ekki Pandemrix sprautu þegar slíkar verða fáanlegar fyrir pöpulinn, enda það ekki talið holt fyrir 75 ára unglinga.

Hausverkur, hálsverkur, hóstaverkir af öllum gerðum, magaverkur, lystaleysi, niðurgangur,,,, en ég kann ekki að vera veikur af svona hlutum, þetta er hræðilegt.

Ég fór að hugleiða hvort ég breytti rétt þegar hætti í bjórnum fyrir hálfum áratug því síðan hafa kveisur  verið aðgangsharðari en ég áður þekkti. Nei, nei og nei,,, bænina eins og skot........

Guð gefi mér æðruleysi til að sætta mig við það sem ég fæ ekki breytt----------------------------..