Lítil þjóð og vinalaus leitar jarðsambands.

Lítil þjóð á sér enga vini í samfélagi þjóða og það hefur komið berlega í ljós fyrir íslendinga á síðustu mánuðum.

Við íslendingar þurfum því sem aldrei fyrr að skapa okkur virðingu með framferði okkar og menningu til að öðlast sterka sjálfsmynd í samfélagi þeirra þjóða sem við kærum okkur en um að hafa góð og mikilvæg samskipti við.

Þess vegna verða okkar útvalda fulltrúalið að vera í forystu í þeirri menningarbyltingu sem nauðsynleg er.

Samanber meðfylgjandi frétt er dapurlegt að menn sem hafa fengið það virðulega starf fyrir hönd sinna stjórnmálaflokka að starfa á Alþingi íslendinga, virðast ekki hafa annað að gera en að leika sér stærsta hluta starfstímans og en hafa svo í frammi vælugrát um annir og erfiði ef til fellur einhver vinna við átakamál.

Það tekur í taugar á tímum niðurlægingar þjóðarinnar gagnvart öllu viðskiptaþjóðum okkar að fylgjast með störfum Alþingismanna og kvenna við þessa dapurlegu iðju.

Við uppskerum aðeins því sem við sáum.

 

Sendir ekki fyrirspurn til Norðurlanda

Undir koddann með spariféð gamlingjar.

Nú er hagkvæmast að að geyma sparifé undir koddanum!!!!!!!!.

Auðvitað er eðlilegt við núverandi aðstæður að hækka skatta á tekjur af arðgreiðslum af fyrirtækjarekstri eða verðbréfum, en vandinn er bara sá að verðbætur vegna rýrnunar höfuðstóls sparnaðar er taldar fjármagnstekjur og með hækkun  í 18% þá verða jaðarskattar á sparifjár inneigna í bankakerfinu langt yfir 100% og ávöxtun sparnaðar verulega neikvæð.

Því til viðbótar er eðlilegt að benda  á skerðingar áhrif á lífeyrisgreiðslur aldraðra og öryrkja.
Já ósvífnin ríkisvaldsins gagnvart þeim, er en og aftur ótrúleg.

En ekki er það ekki nýtt af nálinni á liðnum árum.

Neyðarlög voru sett 6. okt. 2008 til m.a. að vernda sparnað, við höfum líka verðtryggingar lög frá áttunda áratugnum til að vernda sparnað.

Á svo að búa við skatta fyrirkomulag sem vinnur gegn sparnaði vegna skattlagningar verðbótarþáttar í höfuðstól sparifjár?.

Þetta er ekki hin tæra snilld góðrar stjórnsýslu.

Hafa áhyggjur af kjaraþróun fólks með meðalháar tekjur

Er stóreignaskattur löglegur?.

Á blaðamannafundi Jóhönnu Sigurðardóttur forsætisráðherra og Steingríms J. Sigfússonar í gær, kom fram að ríkisstjórnin telji eðlilegt að skattleggja fólk sem á töluverðar eignir.

Sérstakur stóreignaskattur verður lagður á samkvæmt tillögum ríkisstjórnarinnar. Skatturinn verður 1,25% af nettóeign. Miðað verður við að hjón sem eiga 120 milljónir króna greiði skattinn og einstaklingur með 90 milljóna króna eignir.

Hvernig var endirinn með gamla Stóreignarskattinn á sínum tíma?.
Ég spyr vegna þess að mig minnir að hann hafi ekki átt stoð í stjórnarskrá.

Skattur á auðmenn nýttur í bætur

Dagur uppgjörs við fólkið í landinu.

                                                                Droparnir hola steinanna hjá Jóhönnu og Steingrími.
Nú er komið að greiningu skattabögla.

Skattabreytingar kynntar klukkan 15

Verbólga er er skattlögð hjá sparifjáreigendum og skerðir lífeyri.

Jóna gamla er ýmsu vön eftir grýtta vegferð hennar kynslóðar að bættum lífskilyrðum fyrir íslenska þjóð, en nú er hún verulega uggandi vegna frétta um að Steingrímur ætli að hækka fjármagnsskatt frá 15% í 18%, því þá verða jaðarskattar hennar langt yfir 100%.

Já ósvífnin er ótrúleg þar sem verðbætur vegna rýrnunar höfuðstóls sparnaðar er taldar fjármagnstekjur,

Dæmi: Jóna gamla átti eftir ævilangan sparnað, ótal gengisfellingar fyrir útgerðarmenn landsins og neikvæða ávöxtun um áratugaskeið, eina miljón króna á verðtryggðum sparireikningi allt árið 2008, vextir voru 4% en verðbólgan var 16%.

Jóna fékk 40þkr. vexti en höfuðstóllinn er verðbætur um 160 þkr.

Jóna er tekjulaus einstaklingur með 1640þkr/ári eftirlaun almanna trygginga eftir skatta. Samtals skerðir þessi sparsemi Jónu bætur hennar um 200-99= 101þkr á ári

Samtals "fjármagnstekjur" 200þkr í stað 40þkr. Miðað við sömu verðbólgu yrði skattur

Skattur 10% = 20þkr, 15% = 30þkr, 18% = 36þkr.

Við ofangreinda verðbólgu og 18% fjármagnstekjuskatt er ávöxtun sparireikningsins 1%.

Ef þetta er ekki snilldaraðferð meistaraþjófa þá er hún ekki til.

En þessu er líst með eftirfarandi hætti af Stefán Jónssyni.

 

 Andmæla réttur mér engin er gefinn

því ei mátti verða á framkvæmdum töf,

Hjá ríkisstjórn Jóhönnu reiddur var hnefinn

svo rétt hef ég hvorki á kistu né gröf.

 

Eignarskattur, nei og aftur nei ekki meiri margföld skattlagning á aldraðra.

Hvaða rugl er þetta, Það er eins gott að Mogginn minn er ekki að fullyrða neitt, hann bara spyr í þetta sinn í stað hefðbundnar véfrétta aðferðar  þegar ríkisstjórnin á í hlut.

Ljóst er að ef af verður þá er ekki afgangur fyrir kjötfarsi eða Orra fiskibollum,  hjá öldruðum á Íslandi.

En það er afar mikilvægt er að fá upplýsingar um hvort það sé skipun frá AGS að ná jafnvægi á ríkissjóð á tæpum þrem árum, eða er það metnaðarmál stjórnvalda að svo skuli vera.

Sama hvor er, lýðnum er stillt upp á bjargbrún.

Já þetta verða þrælslegar viðbótar álögur á eldri borgara, ef af verður.

Ég trúi því ekki að fyrsta "hreina vinstri stjórn" íslendinga geri sjálfan sig að hreinu viðundri í sögu lands og þjóðar með svo arfa vitlausri skattlagningu.

 

Verður eignarskattur endurvakinn?

Ætlar sambandið að verða farsælt ?.

Droparnir hola steinanna hjá Jóhönnu og Steingrími. Þau eru mjög svipuð í verkfærni eins og hjónin sem ég var hjá í sveit, þar þurfti að huga að hverju atriði verkferla , já reyndar allra athafna.

En alltaf varð niðurstaðan sem að var stemmt.

Þar var ekki til siðs og reyndar aldrei þörf, að grípa til efasemda um tekna ákvörðun.

Eftir að hvolpavitið kom tók ég stundum sjálfan mig taki, þar sem hugur minn dvaldi stundum við umhugsun um nánari samvista þeirra, skammarleg hugsun.

Vonandi er mín ályktun nálægt sanni um Jóhönnu og Steingrím.

Skattatillögur kynntar á morgun

Gleðileg niðurstaða.

Gleðilegar fréttir eftir morgun myrkrið. Vonandi gengur þetta eftir, ekki veitir af í þjóðarbúskapinn.

Kári áfram hjá ÍE

Niðurbrotsöflin hrósa sigri.

Það er mikil eftirsjá af þessu framúrstefnda fyrirtæki íslensks hugvits.
En um leið hlýtur þetta að vera ánægjuleg niðurstaða  fyrir þá skelfilega mörgu í akademísku elítunni sem höfðu frá upphafi allt á hornum sér varðandi starfsemi ísl. erfðargreiningar.

Íslensk erfðagreining var  fyrirtæki með háleit markmið sem féll undir  fyrirbærið í ísl.atvinnuumræðu sem kallast "eitthvað annað" og er þá átt við eitthvað annað en "stóriðju".

Akademísku elítan verður fara að verða að gagni fyrir ísl. atvinnuuppbyggingu og steinhætta að leggja  steina í götu nýtingar mannauðs og auðlinda Íslands.

Þetta er hræðileg staðfesting á þroskastigi stjórnmála á Íslandi.

Hvar finnum við þetta "annað" fyrir okkar unga og velmenntaða fólk?.

Íslensk erfðagreining seld

Þjóðfundurinn var þjóðhátíð.

„Hvaða lífsgildi eiga að vera okkur leiðarljós í þróun samfélagsins?"

 

Viljinn til góðra verka með heiðarleika sem megingildi var áberandi á þjóðfundinum og auðlindir landsins væru þjóðareign og nýting þeirra væri með sjálfbærum hætti var meginkrafa.

Það var upplyfting til hugar og handar að fá að taka þátt og vera með í umræðu um grundvallargildi þau sem fram voru sett og rýna í og ræða þær framtíðaróskir um þjóðarhagsmuni okkar íslendinga sem fundarmenn settu fram. Það var samhljómur, vídd og breidd og samstaðan algjör um að hlusta og greina allar hugmyndir sem jafngildar til endanlegrar úrvinnslu á hverju vinnuborði. Þetta var þjóðhátíð með stórasta Þ.

Þar sem við lærðum  líka að hægt er án efa að efla samkennd og réttlæti með þjóðinni, milli byggða og milli manna - og þjóða með kröfu um samstöðuumræðu form í stað svart-hvítu málfundar menningu íslenskrar stjórnmála .

En eins og fram kemur í erindi þjóðskáldsins hefur okkar fallega gjöfula land með fallvötn, jarðhita, gjöful fiskimið og gróðurmold hvíslað að honum sínar kröfur og bendir okkur á leiðir, það var líka andi framtíðar sýnar þjóðfundarins :

"Hvílíkt heimskunnar vald ræður vilja þess manns,

sem knýr veikari bróður á hjarn,

og sem gína vill einn yfir auði síns lands,

hann er ekki minn sonur, mitt barn!"

 

Þannig mælti mitt land. -

Og ég reis upp úr rúst þeirrar ráðlausu borgar, er féll.

Og hin dagelska sól skein á dauðblakka þúst og brá dýrðlegum roða yfir fell.

Og ég gekk upp á hæðina hljóður og sæll, mér var horfin öll iðrun og sorg,

   

Og nú flyt ég til þín þessi alvöruorð,

Sem   mitt ættarland hvíslaði að mér.

Ekki  einungis bindur ósk þess við borð,

lífið allt krefst hins sama af þér".   

Jóhannes úr Kötlum.