Líeyrissjóðir og skattar

Landssamtök lífeyrissjóða taka illa hugmyndum um fjármagnstekjuskatt. Framkvæmdastjóri Almenna lífeyrissjóðsins segir það illskárri kost en að breyta kerfinu með skatti á iðgjöld.

Efnahagsmál "Við tökum þessari hugmynd illa. Þetta myndi leiða til þess að lækka þyrfti lífeyri," segir Arnar Sigurmundsson, formaður stjórnar Landssamtaka lífeyrissjóða, inntur eftir viðbrögðum við hugmyndum um að leggja á lífeyrissjóði tímabundinn fjármagnstekjuskatt.

"Ekki þarf að skerða réttindi, og utanumhald er tiltölulega einfalt. Og þótt bent hafi verið á að lífeyrissjóðir opinberra starfsmanna séu með ábyrgð eigenda er það annað mál og óháð þeim vanda sem þjóðin á í núna." olikr

Ávöxtunarkröfur lífeyrissjóðkerfisins til að viðhalda greiðsluskyldu sjóðanna á lífeyrisgreiðslum er 2%, það er því jafnréttismál að fjármagnstekjur sjóðanna umfram það beri sama fjármagnstekjuskatt og aðrar fjármagnstekjur landsmanna. Einfalt og eðlilegt jafnréttismál.

 

Þjóðfundur um framtíðarsýn Íslendinga.

„Hvaða lífsgildi eiga að vera okkur leiðarljós í þróun samfélagsins?"

Viljinn til góðra verka við nýtingu auðs og afls er allt sem þarf virðulegir þjóðfundar fulltrúar.

Fremsta krafa landsmanna  er auðvitað að auka hag sinn - efla menningu sína - skapa börnum sínum þau skilyrði til hugar og handar að sambærilegt sé við það besta í samfélagi þjóða í nútíð og framtíð. En umfram allt viljum við vera Íslendingar og taka þátt í íslenskri sjálfstæðisbaráttu - baráttunni sem aldrei lýkur.  Við viljum taka þátt í að brjóta hverja þá ógnaröldu er á þjóð okkar kann að skella - eins og harðar bergnasir okkar sæbröttu strandar brjóta þungar og svalar öldur Atlantshafsins. Við verðum líka að efla samkennd og réttlæti með þjóðinni, milli byggða og milli manna - og þjóða.

En eins og fram kemur í erindi þjóðskáldsins hefur okkar fallega gjöfula land með fallvötn, jarðhita, gjöful fiskimið og gróðurmold hvíslað að honum sínar kröfur og bendir okkur á leiðir:

Og nú flyt ég til þín þessi alvöruorð,

Sem   mitt ættarland hvíslaði að mér.

Ekki  einungis bindur ósk þess við borð,

lífið allt krefst hins sama af þér.   

(Jóhannes úr Kötlum)

Þjóðfundur um framtíðarsýn Íslendinga

Það verður að vera agi í hernum!.

Jón Kaldal ritstjóri skrifar:   "Eitt af fórnarlömbum kreppunnar er hugmyndafræðin sem er ýmist kölluð frjálshyggja eða nýfrjálshyggja. Til hennar vilja margir rekja rætur þeirrar óhamingju sem efnahagur landsins hefur ratað í. 

Ýmislegt er til í þeirri skoðun. Eitt stærsta áfall frjálshyggjumanna hlýtur að vera að markaðurinn reyndist ekki fær um að hafa eftirlit með sjálfum sér og leita jafnvægis af sjálfsdáðum. Vissulega má færa rök fyrir því að slík aðlögun sé í gangi um þessar mundir, en afleiðingarnar eru stórkostlegt tjón fyrir efnahag þeirra landa sem innleiddu hvað mest frelsi á fjármagnsmörkuðum".

Í alheimstímariti fann ég þessi kapítalísku ábendingar

It's no secret who'll foot the bill for it all: private citizens and private business. As Nobel Prize-winning economist Vernon Smith puts it, "The Fed has reserved.

Það verður að vera agi í hernum sagði Sveik, ef þeir þurfa að skjóta mig til að það verði agi í hernum, þá eiga þeir að skjóta mig.

Vandamál frjálshyggjunnar var að það mátti ekki einu sinni skjóta aðvörunarskoti þá hryndi hennar tilvera, sem sagt  hugmyndafræðin var byggð á sandi og er þess vegna ónothæf.

 

Er enn verið að reyna að blekkja?.

Ég botna ekki í svona leiðréttingu á frétt, en þar segir Mbl á þriðjudag; Stefnir 7,9 milljarða fram úr upphaflegri kostnaðaráætlun Portusar.

Þess vegna hefur Austurhöfn-TR, hefur sent Morgunblaðinu athugasemd.

Eftir að upphaflegt tilboð Portusar hafi verið lagt fram, hafi verið ákveðið að stækka húsið. „Það olli kostnaðarauka sem þáverandi eigendur ætluðu að bera og töldu borga sig og hafði engin áhrif á fyrirheit um framlag frá opinberum aðilum.

Uppgefin kostnaðartala í umræddri frétt var einungis miðuð við verðlagsþróun hingað til og spá Seðlabankans um verðbólgu til verkloka vorið 2011.

Uppgefnar tölur um kostnað voru því eingöngu óbreytt áætlun og ekki rétt að verkið stefni miljarða fram úr áætlun," segir í athugasemdinni.

Eftir stendur spurningin um hvort byggingarkostnaður fram til þessa sé í samræmi við gerðar  áætlanir eftir "eigandaskipti" eða hvað menn vilja kalla "forsjársbreytinguna" ?.

Fer ekki milljarða fram yfir

Framtakssjóður Íslands verður stofnaður 24. nóvember.

Nú rúmum 12 mánuðum eftir strandið lyftist þjóðarskútan af skeri með innlendum kröftum, afli og auði sem við eigum og höfðum lagt til hliðar sameiginlega og þótt við séu enn ekki komin útyfir skerjagarðinn. þá er komin á hreyfing þá leið.

Þetta er magnað, þetta er stórkostlegt. þunglyndi þjóðarinnar hverfur eins og dögg fyrir sólu er það rennur upp fyrir henni að við búum en yfir styrk og sæmd og  stórasta land í heimi er stærra og merkilegra en menn höfðu talið síðustu 12 mánuði.

Nú birtir og blómgast allt sem hefur fölnað.

Upp, upp mín sál og allt mitt geð, sjáðu, þetta er ekki svo mikið streð.

Ákveðið að stofna Framtakssjóð Íslands

Skattamál hjá viðskiptaráðherra.

Viðskiptaráðherra sagði í útvarpi að brýna nauðsyn bæri til hækkunar skatta ef við vildum sömu velferð hér sem á norðurlöndum öðrum.
Hér hefði verið rétt hjá viðskiptaráðherra nýja Íslands með sannleikann að leiðarljósi að geta þess að lífeyrissjóðsiðgjöld eru inn í álagningu hjá Dönum og Svíum.

Með tæplega 50% álagningu + 12% iðgjöldum til lífeyrissjóðs yrðum  við með hæstu álagningu í heiminum ekki bara  á norðurlöndum.

Með núverandi álagningu + iðgjöld eru við svipaðir og aðrir á norðurlöndum.

Er Mats Josefsson ráðgjafi eða rukkari.

Getur það verið að ég sé að misskilja hlutverk Mats Josefssonar, hann er sagður ráðgjafi ríkisstjórnar Íslands en segir

„Meginveikleikinn í endurreisn stjórnvalda er að engin ein stofnun ber endanlega ábyrgð á því að ákvörðun sé tekin," sagði Josefsson. Nauðsynlegt sé að samhæfa aðgerðir, en til þess þurfi að koma á fót stofnun sem hefur yfirumsjón með endurreisninni".

Stofnunin sem hann vinnur hjá er ríkisstjórnin og þar er það viðskiptaráðherra sem sér um þessi mál, er hann þá svona latur eða hvað.

Það er eins og hann komi sinni ráðgjöf ekki á borð ríkisstjórnar, það er stórfurðulegt.

Ég held að því fleiri sem ráðgjafarnir eru, því vitlausari eru ráð þeirra, samanber góðan og gildan íslenskan málshátt..

Samkvæmt fréttinni hljómar Mats eins rukkari fyrir kröfuhafanna.

Josefsson gagnrýnir seinagang stjórnvalda

Alþingi loki tóbakspungum og þrætubókum !!!.

Á hinu háa Alþingi er í vegi falleg stúlka með fallegt enni og sægræn augu með blíða beiðni um að allar annarlegar nautnir háttvirtra þingmanna verði útlægðar gerðar úr salarkynnum hins háa Alþingis.

Ég ætla með blíðri beiðni að biðja þessa fallegu stúlku með fallegt enni og sægræn augu að koma því á framfæri eftir að hún hefur unnið þetta sitt stóra þrekvirki að æskilegt væri að þingmenn lokuðu sínum innantómu þrætubókum eins og tóbakspungum og samhentu með hreinum höndum að því stóra verkefni að leysa þjóðina úr þeim þrælafjötrum sem fyrri stjórnvöld komu henni í.

Kvartaði yfir neftóbaksnotkun þingmanna

Er það skipun frá AGS að ná jafnvægi á ríkissjóð á tæpum þrem árum.

 

Hvaða rugl er þetta, þjóðarbúið þarf eins og heimilin í landinu á sinni greiðsluaðlögun að halda og til hennar þarf tíma, ráð og rúm.

Ljóst er að öllu óbreyttu stefnir neyslan í kjötfars og Ora fiskibollur, meðan Ísland brennur!.

Hverjir geta slökkt þessa elda?.

Það verður ekki mikið eftir til matar, klæða og skjóls hjá flestum ef illa fer.

En það er afar mikilvægt er að fá upplýsingar um hvort það sé skipun frá AGS að ná jafnvægi á ríkissjóð á tæpum þrem árum, eða er það metnaðarmál stjórnvalda að svo skuli vera.

Sama hvor er, þjóðinni er stillt upp á bjargbrún.

Já þetta verða þrælslegar álögur ef ekkert breytist.

Það þýðir ekki að kalla eftir neinni aðstoð frá verkalýðshreyfinguni, þar er bara til staðar akademískt vinstra rugl.

Ríkisstjórnin reynir bara að láta þjóðarskútuna fljóta yfir sker og er en að kveikja elda, hún slekkur að virðist enga elda.

Þá er bara eftir nýi bjargvætturinn Vilhjálmur Egilsson, framkvæmdastjóri Samtaka atvinnulífsins hann er engum líkur, ef hann getur ekki hamið þessa elda gerir það enginn.

Vinnuveitendur hafa áður lagt til bjargráð, bjargvætt og þjóðarsátt.

 

 

Verðlagið upp um 1%

Viðverukjör eldri borgara er eignarnám.

Send var mér stikla sem Stefán Jónsson kvæðamaður kveður í uppgjöri við Jóhönnu; 

Nú er ég kominn á níræðisaldur

Í nösunum merki ég grafarmoldarþef

Fjármálaráðherra verður þess valdur

Að viðnám við dauðanum lítið ég hef.

Það er ekki að undra að þótt snillingar orðlistar kveði kröftugar hendingar um ímyndaðan veruleika fyrstu hreinræktuðu vinstri ríkisstjórnar íslendinga um að breiðu bökin séu eldri borgarar þjóðarinnar. Án efa er Stefán til vinstri en ekki akademískur vinstri ruglari.

Því ríkistjórn hefur hækkað allt sem hún getur hækkað og viðskiptalýður landsins fylgir því fordæmi og hefur hækkað matarverð um tugi prósenta og ekki dugar að láta sér nægja íslensk matvæli því þau hafa sum hver hækkað mest eða um og yfir 50% -sérstaklega landbúnaðarvörur.

Bensínverð hefur aldrei verið hærra. opinber þjónusta hækkað gífurlega. Lyfjaverð og heilbrigðisþjónusta er varla viðráðanleg nema betur stæðum.

Tekjuauki engin finnanlegur og þótt svo væri ekki nothæfur nema svartur væri, vegna skerðingar og skattaauka.

Og stjórnmálastéttin seilist dýpra og dýpra í tryggingarsjóð okkar eldri og öryrkja með svo hræðilegum aðferðum að helst má líkja við aðferðafræði mafíósa.  

Gjótum augum aðeins yfir þá "sviðnu jörð".

Lífeyrisþegar geta haft 99 þúsund kr. í fjármagnstekjur á ári án þess að það skerði lífeyri almanna trygginga. Fjármagnstekjur umfram það skerða lífeyrisgreiðslur að fullu, í stað 50% áður. Já ósvífnin er ótrúleg þar sem verðbætur vegna rýrnunar höfuðstóls sparnaðar er taldar fjármagnstekjur, dæmi:

Jóna gamla átti eftir ævilangan sparnað, ótal gengisfellingar fyrir útgerðarmenn landsins og neikvæða ávöxtun um áratugaskeið, eina miljón króna á verðtryggðum sparireikningi allt árið 2008, vextir voru 4% en verðbólgan var 16%.

Jóna fékk 40þkr. vexti en höfuðstóllinn er verðbætur um 160 þkr.

Samtals "fjármagnstekjur" 200þkr í stað 40þkr.

Jóna er tekjulaus einstaklingur með 1640þkr/ári eftirlaun almanna trygginga eftir skatta. Samtals skerðir þessi sparsemi Jónu bætur hennar um 200-99= 101þkr á ári.

En Jóna varð fyrir því "óhappi" að erfa sparsjóðsbókina hennar Siggu frænka sinnar sem hafði lifað ríkan eiginmann sinn í barnlausu hjónabandi um mitt ár  2008 með 8 miljóna króna inneign. Þar með urðu fjármagnstekjur Jónu allt í einu 800 + 101=901þkr, og til rýrnunar eftirlauna niður í núll síðustu sex mánuði 2008 miðað við núverandi skerðingar + 300þkr. viðbótar skattareikning frá Steingrími fjára .

Hún fær engin eftirlaun 2009 frá almanna tryggingum en Steingrímur fjári fær um 500þkr. frá Jónu í viðbótarskatta. Jóna gamla er "breiða bakið" nú á elli árum með um 70% heildarskattlagningu og er því í ofurmannaflokki Steingríms fjármálaráðherra.

Jóna gamla er ýmsu vön eftir grýtta vegferð hennar kynslóðar að bættum lífskilyrðum fyrir íslenska þjóð, en nú er hún verulega uggandi vegna frétta um að Steingrímur ætli að hækka fjármagnsskatt frá 15% í 25%, því þá verða jaðarskattar hennar langt yfir 100%.

Stefán kvæðamaður æðrulaus með þykkan skráp, kveður og Jóna tekur sjálfsagt undir;

Með heilagri Jóhönnu hamast nú á mér

Og hirðir þá aura, sem sparað ég gat

Til ellinnar hugðist ég eiga þá hjá mér

Svo efni ég hefði á lyfjum og mat.

 

Við gamlingjar höfum víst breiðustu bökin

Og brugðist því getum við álagahríð

Á okkur dæmist á sukkinu sökin

Og svelta því megum um ókomna tíð.

 

Andmæla réttur mér engin er gefinn

því ei mátti verða á framkvæmdum töf,

Hjá ríkisstjórn Jóhönnu reiddur var hnefinn

svo rétt hef ég hvorki á kistu né gröf.