Þarf að vera svona dýrt að vera Íslendingur?.

Þarf að vera svona dýrt að vera Íslendingur?.

Hvert er þetta þjóðfélag að fara manni minn?, auga fyrir auga, tönn fyrir tönn, Kolkrabbann aftur segir hin bláa hönd. Við skulu skeran meðan hann liggur við  hlerann, já  lyns him.

Sé almúginn sínum foringjum framar, er festa hans vígsins síðasta hamar. Vaknaðu, reistu þig lýður míns lands. (Einar Ben).

Hvað er til ráða? Hvernig á fámenn þjóð á hjara veraldar að koma sér út úr efnahags-, stjórnmála- og stjórnunarkreppu?. Vigdís forseti sagði að 100 ár þyrfti til að afla sér borgaralegra menningar en lærdómsferil okkar væri aðeins 67 ár og meðal ríkjandi meinsemda væri umræðuformið í pólitískri umræðu sem kiljan kallaði þrætubók.

Stjórnleysið efnahagsmála síðasta áratug og rányrkja útrásarvíkinga í peningahirslum bankanna eða taumlaus blekkingarvefur, draumsýnir og yfirboð náttúrulausra náttúruverndarsinna, má aldrei komast í þá aðstöðu að ræna af okkur sjálfræði og efnahagslegu sjálfstæði aftur.

Hin almenni atvinnurekandi og launamaður sem eru nú krossfestir í óáran íslenskra peningamála munu aldrei framar ljá því hug eða heyrn að láta blekkjast af jarðsambands lausum yfirboðum og rugli framar.

 

 

 

Gleðileg upprisa.

Nú á ég bara sólahring eftir af spítalavist, eftir að síðasta blogg var skrifað. Skömmu eftir skrifin lá leiðin hjartadeild Landspítala þar sem ég fékk nýjar kransæðar og í framhaldi langan en strangann megrunarkúr á gjörgæslu í tæpann mánuð, svæfður,  með næringu í æð.

Ég fæ en ekki skilið eftir þessa löngu spítaladvöl, sem er jafnframt mín fyrsta, hvernig tekist hefur að ala upp alla þá snillinga sem heilbrigðiskerfið hefur að  störfum. Mig skortir  í raun og sanni lýsingarhugtök til tjá hrifningu mína yfir þeirri auðlegð sem býr í þessu kerfi og þeirri þjónustulund og getu sem heilbrigðiskerfið sýnir í störfum sínum.

 

 

Eftirfarandi er bloggið sem ég skrifaði og setti upp 26.12.2009 og kallaði "Gleðilega rest". Skömmu síðar reið óminnið yfir.

 Afa prinssesur og prins í Köbenhavn.

                                                                                                                                                                                        Jólin 2009 eru tæmd til tímans rásar og verður minnst fyrir rissótt veðurfar norðan og vestan en stillur og blíðu úrkomu syðra og friðsældar og kyrrðar á stór Hafnafjarðarsvæði. Fjölskylduhátíðar framlag mitt var veikt og fúið sökum veikinda, en stór fjölskylduhátíð jóladagsins var jólagjöfin mín. 

Verðtryggingarvélin malar gull.

Ljóst er að verðbólgan hækkar á fyrstu mánuðum næsta árs vegna skattahækanna.

En þessi verðbólga hefur verðbólgu í för með sér, er  einskonar eilífðarvél fyrir fjármagnsráðendur í seðlaprentun á kostnað skuldara sem að öðru leyti búa líka við geysilegar og víðtækar kjaraskerðingar. Tær snilld.

Seðlabankanum segir verðtryggðar skuldir íslenskra heimila hafi verið 1.175 milljarða króna í lok síðasta árs. Nýrri tölur hafa ekki fengist, en sé reiknað með að þær hafi nokkurn veginn fylgt neysluverðsvísitölu má áætla að þær nemi nú um 1.300 milljörðum króna. Eins prósents hækkun á neysluverðsvísitölu mun hækka þessar skuldir um þrettán milljarða króna.

Virðisaukaskattur hækkar um eitt prósent. Auk þess hækka gjöld á áfengi, tóbak, eldsneyti og bíla, þessar hækkanir leiða til um eins prósenta hækkun á vísitölu neysluverðs. Áhrif annarra hækkana er en óljós.

Undansláttur og blaður flokksfélaga minna um lánaskil til banka í bleyjum ríkisins.

Sigurður M. Grétarsson er viðskiptafræðingur og Samfylkingarmaður sem virðist ekki hafa áttað sig á að bankarnir keyrðu sig í þrot og settu heimsmet í glannaskap með óbeinni hjálp stjórnvalda með athafnaleysi sem dró ísl. efnahag niður að feigðarfeni. Evran rúmlega tvöfaldaðist verði, þetta var ekki venjuleg gengisfelling. þetta var gjaldþrot bankakerfis með aðstoð stjórnvalda sem í framhaldi á skila lánakjörum til baka að upphaflegum forsendum.

Ofangreind rök voru notuð fyrir setningu neyðarlaganna þar sem innistæður án hámarks voru tryggðar af ríkissjóði.

Lánahliðin hjá bönkum við sömu aðstæður verða að lúta jafnræðisreglum stjórnarskrár allt tæknilegt væl um annað er bara blaður og undansláttur hjá mínum flokksfélögum í Samfylkingunni.

Viss blekking í úrræðum bankanna

Því vitlausari eru ráðin sem fleirri koma að...........

Það er sannað eftir langvarandi Icesave umræðurnar að tungutak þess sem mælti "því vitlausari eru ráðin sem fleiri koma að ". er svo sannarlega laukrétt ályktun.

Samanber Bjarna Benediktsson formann Sf,
„Þegar ljóst var að þingið ætlaði að kalla eftir áliti, rýkur ríkisstjórnin til og kallar eftir öðru áliti. En málið er á forræði þingsins, ekki ríkisstjórnarinnar." Álitunum tveimur verði ekki heldur saman jafnað. „Álit Ashurst er pólitískt og fjallar um að menn eigi enga aðra valkosti en að ganga frá þessum samningum. Við þurfum ekki lögfræðilegt álit til að segja okkur hverjir pólitískir valkostir okkar séu."

Sama má segja um ráðgjöf hundraða annarra "vísindamanna" sem hafa tekið þátt í vafstrinu.

 

Þó þætti mér ástæða til að kanna vellesna niðurstöðu Lofts A. Þorsteinssonar á reglum EU um útibú banka sem m.a. bendir á eftirfarandi.

Article 6 (1): Member States shall check that branches established by a credit institution which has its head office outwith the Community (EU) have cover equivalent to that prescribed in this Directive. Failing that, Member States may, subject to Article 9 (1) of Directive 77/780/EEC, stipulate that branches established by a credit institution which has its head office outwith the Community (EU) must join deposit-guarantee schemes in operation within their territories.

og Epilogue: 

>No banking operations, unless the bank has its head office within the European Union, is allowable within the European Economic Area, without a special permission of the host state. <

Hin tæra snilld undrabarna íslenskra efnahagsmála í verki.

Síðastliðna tólf mánuði hefur vísitala neysluverðs hækkað um 7,5%, en vísitala neysluverðs án húsnæðis um 11,3%. Er þetta minnsta verðbólga mæld á tólf mánaða tímabili síðan í febrúar 2008 er hún var 6,8%.

Það er hinsvegar ljóst að verðbólgudraugurinn fitnar verulega á fyrstu mánuðum næsta árs vegna skattahækanna.

Væntanlega gleðjast fjármagnsráðendur svo sem lífeyrissjóðir og verkalýðshreyfing að nefndur draugur sé enn orkumikill, innheimtudrjúgur og segja drauginn væntanlega enn bráðnauðsynlegan til að styrkja sparifjár sparnað launþeganna og annarra landsmanna þrátt fyrir að 18% fjármagnstekjuskattur skili verulega neikvæðri ávöxtun sparifjár vegna verðbólgunnar.

Þetta er hin tæra snilld í verki.

Efnahagsskrifstofa fjármálaráðuneytisins spáði því maí að verðbólga hér á landi yrði 10,2% á þessu ári, en hún myndi lækka hratt og yrði að jafnaði 1,6% á næsta ári og 1,9% árið 2011.

Hins vegar gerði skrifstofan ráð fyrir því að atvinnuleysið aukist á næsta ári frá því sem nú er og verði þá að jafnaði 9,6% en 9,0% í ár. Draga muni úr atvinnuleysinu á árinu 2011 og að það verði þá að jafnaði 7,5%.

Þessu spáir skrifstofan þrátt fyrir að gert sé ráð fyrir því að ráðist verði í álversframkvæmdir í Helguvík og stækkun álversins í Straumsvík. Ef ekki yrði hins vegar ráðist í þessar framkvæmdir myndi atvinnuleysið verða um 0,5 prósentustigum meira á árinu 2010 og liðlega 1 prósentustigi meira á árinu 2011.

Í þjóðhagsspánni kemur fram að eiginfjárhlutfall Íslendinga í íbúðarhúsnæði hafi að jafnaði verið á bilinu 60-70% á umliðnum árum. Nú er hins vegar áætlað að þróun fasteignaverðs á árunum 2008 og 2009 leiði til þess að eiginfjárhlutfallið lækki í u.þ.b. 44% í árslok.

Skattapúkinn er tortímandi allrar upprisu.

Blóðugur niðurskurður ríkispúkanna var miklu öflugri aðgerð.

Púkarnir á fjósbitanum eru margir og vissulega pólitískt erfitt fyrir ríkisstjórnina að kveða fólin niður, svo sem menningarsnobbið og ofmönnuð ríkisfyrirtæki og stofnannir, en sýnir nú með samþykkt skattabandormsins að hún þorir ekki í slag á fjósbitanum.

Ríkistjórnin hefur nokkra sagnfræðinga innanborðs, en sem betur fer ekki marga hagfræðinga.

Jóhanna ætti að biðja þá, þ.e. sagnfræðingana, að skoða hvernig Svíar komust efnahagslega sterkust þjóða frá heimskreppunni 1929-1932. Wigforss kenningin segir einfaldlega betra að ríkisjóður framleiði eldspítur sem veiti atvinnu í kreppunni en seljist síðar, eða með öðrum orðum, ríkið styrki framleiðslufyrirtækin til að viðhalda sinni framleiðslu á samdráttartíma en ríkið forðist að auka skattbyrði þeirra.

Wigforss var fjármálaráðherra svía 1925-1926, 1932-1936, og 1936-1949. Hann var ekki hagfræðingur, en dósent í norrænum fræðum við Háskólan í Lundi. Ég var svo heppin að hlýða á tveggja tíma fyrirlestur Wigforss í Malmö 1963 á stofnfundi Nordisk sosialdemokratisk ungdom. Ekki leyndi sér aðdáun Tage Erlander og Ole Palme á þessum mikla fræðimanni í kynningarorðum þeirra til ungafólksins á þessum ágæta fundi.

Jólaáheit.

Nú skal það ekki vera höfuðviðfangsefni þingmanna lengur að tala í kross og stunda þrætur við andstæðinga sína, nú skulu þeir fara að vinna og gera minnst tvennt í einu, ef ekki þrennt.

Samningsniðurstaða í Icesave-málinu er afleiðing óstjórnar Framsóknar og Sjálfstæðisflokks, þess vegna er eitt víst: stjórnarandstöðuflokkarnir, Sjálfstæðisflokkur og Framsókn, ættu  að sjá sóma sinn í að standa undir sinni ábyrgð, eða sitja hjá og þegja.

Núverandi ríkisstjórn hafði enga samningsstöðu í þessu máli. Ábyrgðin á þessu klúðri er ekki hennar, heldur forvera hennar. Stjórnarandstaðan (að Hreyfingunni undanskilinni) ætti því að sjá sóma sinn í að hafa hægt um sig á næstunni.

Útiloka ekki að Icesave verði hafnað

Kúthverfingar á Egilsstöðum fá útibú frá Vatikaninu.

Glatt er á Gálgaás, Gróa á hverjum bás, það er nú þjóð legur staður, engin af öðrum ber, efalaust þaðan fer, til andskotans annar hver maður.
Kvað síra Sigurjón á Kirkjubæ í sínum hreppa kveðskap um Egilstaðahrepp.

Nú er hinsvegar ljóst að með tilkomu kirkju Páfa í Kútahverfi Egilsstaða, sem þar að auki hýsir nunnu til kenna Kúthverfingum siðrænt kristilegt líferni, er ljóst að Lykla Pétur opnar Gullnahliðið fyrir öllum sem eiga leið um frá Gálgaási.

Góður Guð blessi ykkur og verndi Héraðsbúar.

Vígði kapellu og klaustur

Rík er vor fósturjörð af yl og öðrum gæðum.

Mikið má maður vel við una, þrátt fyrr allt, þau gæði sem skaparinn veitti okkur með að búsetja okkur á eyju gnægta orkuauðlinda nyrst í ballarhafi  með gnótt fiskjar en þó furðu mannvera á þura partinum, sem aldrei hafa getað stýrt varanlega sinni velferð eða kunnað að þakka með auðmýkt fyrir  skaparans góðu gjafir, en hafa endalaust gaman af Sturlunga stríði sín á milli.
Nú er -16°C í Köben, það setur í mig hroll og ég hugsa til fyrsta námsvetrar í Kaupmannahöfn fyrir næsta hálfri öld þegar Síberíukuldinn frysti allt vatn í óeinangraðri íbúðinni og ég lá undir sæng í ullarsokkum, í síð erma og leggja föðurlandi og með lambúshettu á höfði við að læra mín kver, skjálfandi af kulda, þrátt fyrir að eiturspúandi kakelovnen væri rauðglóandi í innveggjahorni herbergisins.

Tak fyrir fyrir mig kære ven.

Síberíukuldi í Evrópu