Vinstri stjórn er líka farin að stela frá öldruðum.

 

Á ótrúlegan hátt hafa stjórnmálamenn lagt sig í líma við að eyðileggja almenna tryggingarkerfið, jafnvel talið sig hafa lögvarða stöðu til að gera tryggingarkerfið að tekjujöfnunarkerfi.

Það hlutverk hefur tekjuskattskerfið en ekki almenna tryggingarkerfið.

Áratuga langa fikt allra stjórnmálaflokka með þetta öryggiskerfi okkar  er óþolanda, því verður að ljúka strax.

"Hver kynslóð gaf allt, sem hún átti, í sjóð,

og í þeirri von, að það geymdist:

sinn yl, sína harma, sitt hjarta, sitt blóð,

--en hluturinn smælingjans gleymdist."

Jóhannes úr Kötlum kvað þennan tón.

Til þess að stjórnmálastéttin gæti seilst í tryggingarsjóðinn og reyndar líka af pólitískri hagsmunagæslu fyrir verndaðar skattleysis stéttir var almenna iðgjaldið sem var "nefskattur" falið inní skattakerfinu og þar með eyðilagt og gert að hreinu ölmusukerfi sem engin kann lengur skil á, síst að öllu ráðherra félagsmála í eins og sést í nýlegri blaðagrein.

Ef stjórnmálamenn í Þýskalandi myndu láta sér detta í hug að breyta krankenkassa  kerfinu sínu í anda íslensku snilldarinnar yrðu þeir umsvifalaust sendir til starfa á öskuhaugum stórborganna eða jafnvel til hins neðra.

Við sem höfum skilvíslega greitt iðgjald þessara trygginga frá sextán ára aldri og eigum eignarrétt á bótum samkvæmt Stjórnarskrá, krefjumst þess að þessu fikti stjórnmálamanna með grundvallarréttindi fólksins í landinu ljúki hið bráðasta.

Félagsmálaráðherra, Arnarhóls strákar og stelpur, endurreisið  skiljanlegt tryggingarkerfi, þar sem fólk fær þær bætur sem iðgjöld voru greidd fyrir.

Sértækar bætur til þeirra sem á þurfa að halda eiga að fjármagnast frá skattakerfinu en ekki með réttindaskerðingum annarra tryggingartaka.

Þá þarf ekki margar rándýrar stofnannir til að sjá um málin, starfsmenn munu skilja kerfið og kannski við hin venjulegir landsmenn, sem erum lögum samkvæmt tryggingartakar.

Vinstri flokkarnir höfðu í frammi mikið pólitískt væl, oftast af miklum sannfæringar krafti síðustu tvo áratugi vegna skerðingar í tryggingar og skattkerfinu og skattaáþjánar eldri borgara af hálfu hægri aflanna.

Þeir fóru meira að segja í kosningabaráttu nú 2009 undir gunnfána velferðakerfisins sem Alþýðuflokkurinn með aðstoð Framsóknarflokks veifuðu til góðs fyrir landsmenn allt fram til þess að menn hættu að skilgreina kerfið á grundvelli tryggingarkerfis sem fjármagnast af iðgjöldum tryggingartaka.

En hvað ber við nú þegar völd og ábirgð eru í þeirra höndum?. (eiginlega líka í mínum höndum þar sem kaus annan stjórnarflokkinn).

Er gunnfáninn kominn í hálfa stöng eða að fullu feldur niður með stöng og öllu samann ?.

Hvað veit ég, ekki er ég upplýstur.

Allavega er mér að orðið ljóst að fjórflokkarnir verða að koma sér upp skólum, hver um sig, til að kenna væntanlegum fulltrúum fulltrúalýðræðisins, sannleiksást, þ.e. láta af allri lygi og skrúðmælgi í störfum sínum. En ekki síst að standa við orð og staðhæfingar þegar á hólminn er komið.

Að lokum hvet ég alla til að lesa  grein Bjarna Þórðarsonar tryggingarstærðfræðings "Er unnt að skattpína eldri borgara enn meir", sem rituð var í Morgunblaðið 1. maí. síðastliðinn.

Greinin er eina sanna stöðumat þrælpíndrar stéttar á þeim baráttudegi.

Stéttinni tilheyra eldri borgarar, sem byggðu þá  varnarmúra fyrir samfélagið sem best munu duga  í núverandi kreppu, sjálfbæra nýtingu náttúruauðlinda -orkulinda, gróðurmoldar og sjávar- til  sóknar til  jákvæðrar efnahagsstöðu á ný í samfélagi þjóða.

Hafi Bjarni miklar þakkir fyrir löngu tímabærar athugasemdir um það eignarnám sem stjórnvöld hefur í frammi við eldri borgara, en sem reyndar nú hefur snúist upp í hreinan þjófnað.

Tæknileg atriði nýjustu skerðingartíðinda birtast í næstu grei

Þytur þess vors er eldri borgarar vöktu.

Við eldri borgarar sem vöktum vor í íslenskri þjóðarsál,  höfum svo sannarlega efni á að vera bæði stolt og hreykin af árangri íslenskrar þjóðar á okkar æviskeiði.

En nú eru flest okkar harmi slegin af  því hausti sem vakin er í íslenskum brjóstum af djarfhuga stórmennum og stjórnsýslunni  í landinu.

En við skiljum ekki að þessi nýja staða eigi að valda eignarnámi og fjárkröfum núverandi ríkisstjórnar í peningasjóði okkar , hvort sem er tryggingarsjóði eða sparnaðarsjóði.

Við sem nú lifum okkar ævikvöld eigum svo sannarlega inni hvíld og frið eftir að hafa skilað landinu ríku af allskonar gæðum og verkfærum fyrir afkomendur okkar til að  bæta um betur fyrir þjóðarhag.

Við skilum svo sannarlega af okkur auðugra landi og miklu öruggra landi en við tókum við.

Við erum auðvita sérlega stolt og hreykin vegna þess  að við gátum skapað skilyrði fyrir fleiri listaspírur, aukið framlegð á háskólamenntuðu fólki og haldið uppi menningarlífi sem miljónaþjóð svo eftir er tekið um víða veröld.

Það er líka stórkostlegt afrek að þurfa ekki lengur að veiða fisk fyrir 50-100  miljarða króna  á ári til að kaupa olíu fyrir landsmenn til ljósa, hita  og annarra staðbundina þarfa í hýbýlum okkar.

Við leystum verkefnin á okkar vegferð, vegna þess að við erum erfingjar af þeim langþroskaða eiginleika íslensku þráhyggjunnar að geta ávalt sigrað þrítugan hamarinn ef reynt er ítrekað. Svartstakkarnir ungu í bankakerfinu, okkar velmenntaða unga fólk sem drukkið hafði í sig frjálshyggjufræðin amerísku, sem meðal annars afneitaði aðhaldi og eftirliti ríkisvaldsins eru auðvitað erfingjar okkar af þessum eiginleika. Þetta fólk mun án efa á grundvelli þeirrar miklu og dýrkeyptu reynslu sem nú er numin, skila landinu enn ríkar en við gerðum og en öruggara en við gerðum. Þess vegna er engin ástæða fyrir yngri kynslóðir að flýja af hólmi

Ekkert ólokið verk lætur okkur eldri borgara sitja friðar stól, jafnvel nú á ævikvöldi. Verkefnið er því miður enn að verja hag okkar og öryggi og það sem aldrei fyrr, þrátt fyrir vinstri ríkisstjórn sitji á valdastólum.

En því miður höfum við mjög takmarkaðan tíma og lífsrými til að verksins á eðlilegan og löglegan hátt.

Í heilstæðri löggjöf  um málefni aldraðra nr. 125/1999 segir um tilgang lagana; Lögin fela í sér þau markmið að gera öldruðum fært að lifa eðlilegu heimilislífi eins lengi og kostur er og að öldruðum sé tryggð þjónusta þegar hennar er þörf og í samræmi við þarfir hvers og eins. Ásamt því er lögð áhersla á að aldraðir njóti jafnréttis og að sjálfstæði þeirra sé virt.

Er jafnrétti að innheimta með frekju og dónaskap bætur sem látin maki hefur fengið frá tryggingarkerfinu á síðasta æviskeiði. Makinn var svo sannarlega tryggður sem einstaklingur?. Eða var það ekki?. Ekki fellur þetta undir virðingu á sjálfstæði eldri borgarans?.

Er það jafnrétti að innheimta allt að 300þkr. fyrir hvern mánuð fyrir dvöl á sjúkrahúsi á ævikvöldi, bara með nafnbreytingu á sjúkrahúsi yfir í hjúkrunarheimili ?. Er það jafnrétti að nota tryggingarkerfið sem tekjujöfnunarkerfi ?.

Eru verðbætur á sparifé arður ?, eru þær ekki einvörðungu  jafngildis leiðrétting á höfuðstól, eins og þær hafa verið skilgreindar hingað til ?.

Samræmis það lagaskilningi á ákvæðum stjórnarskrár um eignarétt og skattkerfið að framkvæma eignarnám  með ákvæðum setra reglugerða ráðuneytanna ?.

Svona má lengi halda áfram og það verður gert. Við eldri borgarar krefjumst þess að aðför ríkisstjórnar að hagsmunum okkar ljúki hið snarasta og að okkur verði bætt það tjón sem aðgerðir hennar hafa valdið okkur. Ríkistjórn er eins og algóður Guð, bæði mátturinn og náðin ef vel er spilum haldið í hennar  húsum.  

Ef ekki má búast við að fjölmennt verði við Arnarhvál húss á komandi mánuðum af fokreiðum, arðrændum en þjóðræknum eldri borgurum.

Já það er dýrt að vera fávís íslendingur og verða að sætta sig við að  íslenska ostkílóið hefur hækkað um 45%. Það er líka þess vegna sem okkur bregður varla þótt Alþingi samþykkti  miljarða álögur á tekjuskertan almúgann án þess að blikna. Svo var  auðvitað gamla og auðvelda lausnin frá Arnarhváli drifin fram öll þjónusta ríkisins hækkuð án þess svo mikið sem að blikna af skömm. Ekkert nýtt eða gamalt og gott dregið fram. Hvar er búsáhalda breytingin á íslenskri atgerfispólitík?.

Árið1988 var sett á verðstöðvun á opinbera geirann og í kjölfarið  komst á þjóðarsátt sem skilaði kraftaverki í efnahagsmálum þjóðarinnar. Til hvers var þetta gert?. Það var til  að skapa ekki fordæmi fyrir viðskiptalífið með hækkun verðs á ríkisvörum og þjónustu. Siðferðisskert viðskiptalíf íslendinga er á því stigi að ríkið má ekki hafa forystu um verðhækkanir.

Þá var það fólkið í atvinnulífinu sem tóku völdin og leysti málin, engir flækjufætur óþroskaðra embættis og stjórnmála elítu á Íslandi voru tilkallaðir sem betur fer.

Tilvistarkreppa íslenskra stjórnmála er m.a. sú að  talsmenn hennar sjá ekkert annað en vandamál, tala aðeins um vandamál. Það má ætla að þá dreymi líka um vandamál. Þessir flokkar leysa engin vandamál enda þeim eðlislægt að finna þau og skilgreina, til að geta þrifist á þeim. Bara svart hvíta hetjan ríður húsum þeirra. Ef maðurinn meðal fjöldans biður þessa hæstvirtu stjórnmálamenn um lausnir finna þeir mögnuð vandamál í öllum lausnunum, hvílíkar hetjur og snillingar!.

Verkefni stjórnmála er að leysa úr flækjum mannlífsins, en ekki að flækja þær frekar.

Þeir skildu´, að ef hér átti að skapa þá fegurð

Sem skáld höfðu túlkað í óljósri þrá,

Varð vitið að sigrast á andhverfum öflum,

sem ógnandi sveifluðust til og frá,--------

 (Jóhannes úr Kötlum)

Sundraðir föllum vér/ sameinaðir sterkir hér./Samstarf við veljum/saman frjálsir dveljum

Þetta er verklagið sem mikill meirihluti þjóðarinnar vill að viðhaft sé við þær aðstæður sem nú ríkja og sandkassaleikir stjórnsýslunnar hafa búið til á liðnum árum.

Borgarnes reið á vaðið með "Þjóðstjórn" af stakri nauðsyn.

Handhafar ríkisvaldsins verða að slíðra sverðin og leggja til hliðar innantóma og stórskaðlega þrætulist um getu eða getuleysi hvors annars til að leysa verkefnin og fara með fyrstu rútu í Borgarnes til læri í skipstjórnarlist þjóðarskútunnar í núdveljandi skerjagarði.

Ríkisvaldið allt þarf að hysja upp um sig brækurnar og breyta rétt til betri og tryggari tilveru svo ekki þurfi nýjan sáttmála við Norðmenn eða aðra.

Segja samráðsfundinn hafa verið ágætan

Skuggasveinar og sveinkur í Iceslave leikritinu.

Við eigum ekki að borga óreiðuskuldirnar sagði Davíð á sinn afgerandi hátt í Kastljósinu. Um það þyrfti ekki að ræða  frekar skildist mér.

Ég dáðist af hugrekki og kraftinum í karlinum þá, sem oft áður.

Auðvitað vill ég heldur ekki  borga og brosa, frekar en öðlingurinn Davíð, hugsaði ég. Vinsælasti og langsetnasti forsætisráðherra íslenska lýðveldisins hafði talað, hvað gat maður annað en tekið mark á visku hans.

En Geir Haarde viðtakandi og lærlingur Davíðs sagði hinsvegar "að við yrðum að borga. Því það hafi verið ófyrirgefanlegt af hálfu Landsbankans að opna Icesave-reikninga sína í útibúi í Bretlandi. Það hafi ekki verið tilviljun, heldur hafi að baki legið fyrirætlanir um að geta notað þá peninga, sem kæmu inn í Icesave, rétt eins og þeir kæmu úr íslensku útibúi."

Þetta gerðist 2006 á ábyrgð ríkisstjórnar Sjálfstæðisflokks og Framsóknarflokks. Þessir flokkar fóru með forsætis-banka- og fjármálaráðuneytið. Þessir flokkar, núverandi stjórnarandstöðuflokkar, bera því alla ábyrgð á Icesave-málinu.

Það var hinsvegar ríkisstjórn Haarde og Ingibjargar sem ber ábyrgð á útibúinu í Hollandi,  það gerðist þrátt fyrir viðvaranir um að bankarnir væru að hruni komnir.

Með neyðarlögunum sem samþykkt voru á Alþingi 6. október, 2008, tók ríkisstjórn Sjálfstæðisflokks og Samfylkingar fulla og ótakmarkaða ábyrgð á sparifjárinnistæðum íslenskra banka. Innan Evrópusambandsins er óheimilt að mismuna einstaklingum eða lögaðilum á grundvelli þjóðernis. Að settum neyðarlögum var það því frá upphafi hafið yfir allan vafa, að íslenska ríkið væri ábyrgt fyrir sparifjártryggingu íslenskra banka, hvar svo sem þeir væru starfandi.

En hver eru fórnarlömbin í þessu máli? Jú, fórnarlömbin í málinu eru breskir og hollenskir sparifjáreigendur og íslenskir skattgreiðendur.

Gerendur í málinu eru hinsvegar ótvírætt þáverandi ísl. stjórnvöld,þ.e. fjármálaeftirlitið og ráðuneytin öll sem fóru með banka og efnahagsmál, og þáverandi bankastjórar og bankaráðsformenn Landsbankans.

Stjórnarandstöðunni núverandi að Borgaraflokknum undanskildum ferst engan veginn að gagnrýna þá samningsniðurstöðu sem nú liggur fyrir svo rækilega voru þeir búnir sigla Þjóðarskútunni inn í skerjagarð þar sem erfitt er að venda.

Það er því  einfaldlega hörmulegt að hlusta á nýgengin þingmann og formann Framsóknar, hinn nýja Davíð sem ekkert vill borga sem hinn fyrri, álasa Jóhgríms stjórninni fyrir að reyna að bjarga því sem hægt var bjarga þar til Þjóðarskútan fær meðbyr á nýjan leik.

Þrætubók hins nýja formanns er sem skítugt klám. Annað ekki.

Þeir sem lögðu þennan bagga á herðar íslensku þjóð ættu að sjá sóma sinn í því að hafa hljótt um sig að minnsta kosti svo lengi sem þjóðin er að borga skuldirnar, sem þeir stofnuðu til eða báru ábyrgð á, en það gerði Framsóknar flokkurinn af mikilli reisn undir góðri leiðsögn Davíðs og Geirs.

Vei sé furðufuglum í sjálfskapaðri Framsóknar þoku.

Furðufuglar hafa löngum flögrað um í Framsókn og nú enn einu sinni vill nýi formaðurinn ekki hyggja að fortíðar gjörð flokksins og ábyrgð á henni þegar afleiðingar blasa við. Mikill vængjasláttur hans um þessar mundir sýnir aðeins að hann vill halda sér á lofti lesandi þrætubók í stað þess að fylkja sér í lið björgunar manna á strandstað þjóðarskútunnar.

Vei sé þessum ungu fuglum sem flögra um í sjálfskapaðri þoku.

Þessi hroðalega samningsniðurstaða í Icesave-málinu er afleiðing óstjórnar Framsóknar og Sjálfstæðisflokks, þess vegna er eitt víst: stjórnarandstöðuflokkarnir, Sjálfstæðisflokkur og Framsókn, ættu  að sjá sóma sinn í að í að standa undir sinni ábyrgð, eða sitja hjá og þegja.

Núverandi ríkisstjórn hafði enga samningsstöðu í þessu máli. Ábyrgðin á þessu klúðri er ekki hennar, heldur forvera hennar. Stjórnarandstaðan (að Borgarahreyfingunni undanskilinni) ætti því að sjá sóma sinn í að þegja. Og að hafa hægt um sig á næstunni.

Miðstjórn Framsóknar: Þingmenn styðji ekki Icesave samninginn

Tryggingfræðingur mótmælir tillögu sjálfstæðismanna um skattlagningu lífeyrisgreiðsla.

Ég vil eindregið hvetja alla til að lesa þetta bréf Bjarna.

Bjarni Þórðarson er einn okkar færasti sérfræðingur í þeim málum sem snerta okkar hagsmuni mest, tryggingar og skattmál.

Bréf Bjarna Þórðarsonar, sjá meðfylgjandi frétt

Tillaga sjálfstæðismanna í hnotskurn;

"Raunverulega gengur tillagan út á það að skipta lífeyriskerfinu í tvo hluta. Annar hlutinn, skattahlutinn, verður í svokölluðu gegnumstreymiskerfi og ríkið hirðir það fé strax og  eflaust til einhverra nytsamra hluta. Hinn hlutinn, lífeyrishlutinn,  verður í sjóðmyndunarkerfi eins og því sem allt frjálsa lífeyrissjóðakerfið byggist nú á, og það á þá að greiða skattfrjálsan lífeyri vegna þeirra réttinda sem myndast í framtíðinni".

Það á að leysa úr flækjum mannlífsins ekki að flækja það frekar. 

Ekki velta vandanum á næstu kynslóðir

Sveitastjórnarmenn verða að sýna hófsemi.

Já í Guðanna bænum farið varlega sveitarstjórnarmenn!!!!!!!!!.

Óvíst hvort álögur breytist

"Það skyldi þá vera að skyrpa í kross og skvetta úr koppnum á þau".

Þetta er sú skítugasta aðgerð sem ég hef heyrt um og  er sveitarfélögum til háborinnar skammar að láta sér detta í hug að vinna að slíkri endemisvitleysu með Fasteignamati ríkisins.

Fasteignir hafa lækkað í verðmæti um 40-55% og fasteignamat á að miðast við markaðsverðmæti samkvæmt þeim leikreglum sem fram til þessa hafa gilt. Það er hrein og bein skítalykt af þeim sem vilja auka skattpínu fasteignaeigenda með því að breyta reglum og það við þær aðstæður sem nú er búið við.

Fasteignaskatturinn er að verða hrein eignaupptaka sveitarfélaga á eignum einstaklinga og félaga og samræmist á engan hátt ákvæðum í stjórnarskrá lýðveldisins.

Það þar að minna menn á að fasteignagjaldstofninn var upphaflega í lögum skilgreindur sem gjaldstofn vegna þjónustu sveitarfélags við fasteignir. Nú hafa menn smátt og smátt gert þennan gjaldstofn að almennum tekjustofni fyrir sveitarfélögin, en þjónustugjöldin s.s. vegna vatns, holræsis og sorphirðu sem áður voru uppistaða fasteignagjaldsins er orðin að sjálfstæðum gjaldstofnum hjá sveitarfélögunum.

Hinn almenni tekjustofn sveitarfélaga er útsvarið og ef sveitarfélögin þurfa að auka tekjur sínar á að hækka útsvarið, það er einfaldlega í samræmi þá góðu og gildu grundvallarreglu að leggja byrðar á fólk eftir efnum og aðstæðum.

Ég trúi því ekki að ráðherra sveitarstjórnarmála samþykki þetta óréttlæti og þessa endemisvitleysu.

"Með úrræði er ekkert spaug,

 er æðir draugur á draug.

 - Það skyldi þá vera að skyrpa í kross

 og skvetta úr koppnum á þau".

(Jóhannes)

Fasteignamat íbúða hækkar

Eva Joly fegurðardrottning frá Noregi, fárast um og fjölmiðlast.

Leitum við enn eftir drottnunarvaldi Norðmanna?. Nú þegar er fundinn seðlabankastjóri og yfir saksóknari. Hvað er næst á dagskrá hjá hugum stórum vinstri grænum?.

Ég er einn af þeim sem fæ ekki skilið þá fortíðar þrá sem opinberast svo rækilega í eftirspurn eftir norskri græningja aðstoð við að losa þjóðarskútuna af strandstað eftir Sturlungastrandið.

Við þurfum ekki Norðmenn til þeirra verka í annað sinn, það getur orðið enn dýrkeyptara en það fyrra.

Farið nú heldur sjálf að stjórna vitrænt gæskurnar og munið að þrátt fyrir allt er sjálfs höndin hollust.

Forðist Sturlunga og burtu með svartnættið, uppþot, niðurrif og nornaveiðar á saklausu fólki.

 

 

Telur að Joly starfi hér áfram

Þetta var erfitt N1.

Það er aldrei öll von úti Manni minn, því hin helga bók segir að við eigum vonina.

Siðvæðingin gekk hægt en hefur nú náð strönd þarfarinnar.

Við beygjum hné okkar í núinu.

Upphæðir verða bakfærðar