Sameinaðir ekki sundraðir í varnarstríði.

Við lestur meðfylgjandi greinar finnst mér Árni vera  að leggja sitt af mörkum til að landsmenn geti gengið sameinaðir að því stóra verkefni sem endurreisn íslenska lýðveldisins er á grundvelli raunverulegrar verðmætasköpunar.

Hafi hann þökk fyrir að sýna okkur hinum að fortíðarhroki eða glansmynd fortíðar fái okkur ekki stöðvað við að leggjast saman á árarnar í sátt og samlyndi.

Undirliggjandi tón greinarinnar höfðar engan veginn til okkar íslendinga í varnarstríði, þá stöndum við öll saman.

 

Árni aftur í dýralækningar

Skilið Sparisjóði Hafnarfjarðar aftur.

Ég á mér mikla og stöðugt stækkandi fortíðarþrá, ég vil fá sparisjóðinn minn aftur. Sparisjóður Hafnarfjarðar var eitt af fundamentum Hafnarfjarðarbæjar, leiðandi afl í bæjarfélaginu. Ég brá mér af bæ í 36 ár, en þegar kom til baka voru gróðrarpungar búnir að ræna sparisjóðinum með hjálp snillinga sem notuðust við herópið "ekkert fé án hirðis", með þeim afleiðingum, að því að virðist, að pungarnir hirtu allt féð og fóru í eina sæng í BYR þegar sást í botn allra peningakassa SPH.

Ég vil gamla og góða SPH heim með hraði, jafnvel þó hann sé nú í spaði.

B-listi með þrjá menn í stjórn

Það er betra að hafa fé án hirðis en svona hjarðmenn tengdum BYR.

Eru menn ekki tengdir enn eftir allt sem á undan er gengið ?.

Það verður að vera krafa til lögmanna bankanna að frávik frá verklagsreglum hafi raunverulega baktryggingu í meðhöndlun fjármuna, fullt gegnsæi takk fyrir og jarðsamband.

Seldi BYR-hlut án samþykkis skilanefndar

Yfirlögmaður Landsbanka Íslands skrifaði undir framsalsbeiðni á 2,6% hlut skilan...  

Meira Myndskeið

Þetta var rosalega mikill léttir.

Þetta var magnað, þunglyndi þjóðarinnar hefði magnast stórlega ef stórasta land í heimi hefði setið eftir. Nú birtir senn.

Ísland komið áfram

Mælið manna heilastir.

Já það er ljós í myrkrinu þrátt fyrir allt sem á undan er gengið og allar þær skerðingar sem þjóðin hefur á sjálfsmati sínu. Guð láti gott af vita.

 

Efnahagsskrifstofa fjármálaráðuneytisins spáir því að verðbólga hér á landi verði 10,2% á þessu ári, en hún lækki hins vegar hratt og verði að jafnaði 1,6% á næsta ári og 1,9% árið 2011. Hins vegar gerir skrifstofan ráð fyrir því að atvinnuleysið aukist á næsta ári frá því sem nú er og verði þá að jafnaði 9,6% en 9,0% í ár. Draga muni úr atvinnuleysinu á árinu 2011 og að það verði þá að jafnaði 7,5%. Þessu spáir skrifstofan þrátt fyrir að gert sé ráð fyrir því að ráðist verði í álversframkvæmdir í Helguvík og stækkun álversins í Straumsvík. Ef ekki yrði hins vegar ráðist í þessar framkvæmdir myndi atvinnuleysið verða um 0,5 prósentustigum meira á árinu 2010 og liðlega 1 prósentustigi meira á árinu 2011.

Í þjóðhagsspánni kemur fram að eiginfjárhlutfall Íslendinga í íbúðarhúsnæði hafi að jafnaði verið á bilinu 60-70% á umliðnum árum. Nú er hins vegar áætlað að þróun fasteignaverðs á árunum 2008 og 2009 leiði til þess að eiginfjárhlutfallið lækki í u.þ.b. 44% í árslok.

Það versta mögulega afstaðið

Spítala skattur í sparnaðarskyni hjá Landspítala háskólasjúkrahúsi.

Minn betri  helmingur tók sótt eina erfiða sem virtist af mér leikmanninum vera hjartaáfall eða eitthvað enn alvarlegra, svo ekki var annað ráð betra en í hendingskast að flytja hana á bráðamóttöku kl. 10 að morgni um miðjan apríl.

Segir ekki mikið af móttöku þar annað en að mér bárust spurnir af þar sem ég beið tíðinda að hún hefði verið flutt á annan sjúkrahús í framhalds rannsókn þegar eitthvað var liðið dags, hélt ég þangað og satt hjá henni til kl. 21 um kvöldið en þá var líka mætt góð vinkona hennar henni til stuðnings og ánægju.

Engar niðurstöðu höfðu við fengið hvað valdið hafði vanlíðan þeirri sem varð til heimsóknar á sjúkrahús þegar hér var komið, fór ég því og spurðist fyrir um stöðuna hjá sviphreinni hvítklæddri frú í búri einu í grennd við sjúkrarúmið, þar fékk það að vita að engin endanleg svör væru um orsök áfallsins. Það yrð vart fyrr en með morgni.

Hélt ég til þá okkar heima, því ég hélt fávisku minni að nú væri rétt að halda heim og bíða tíðinda morguns. Það þurfti ekki því vinkonan kom með frúnna kl 23 og það án niðurstöðu hvað væri að.  Lengi ég ekki þessa frásögn frekar en afleiðing eða krankleiki frúarinnar hefur komið og farið oft síðan þar hefur engin betrun orðið. Enda kannski ekki við að búast snöggum viðsnúning á 72 aldursári.

Reikningur kom nokkru síðar eitthvað á annan tug þúsunda króna, sem varð mér til undrunar, því ég vissi ekki betur en að vinstri-græni heilbrigðisráðherrann hefði slegið áform Guðlaugs Þórðarsonar um spítala skatt  út af borði með miklum bægslagangi og fjölmiðlafári. Hringdi ég því í skrifstofu ríkispítala og fékk þær fregnir að spítalaskattur væri en við líði ef maður væri skemur á spítala en sólarhring. Hananú.  

Næst lá leið mín í þá frægu stofnun Tryggingarstofnun, sem allir stjórnmálaflokkar á Íslandi hafa lagt metnað sinn í að eyðileggja á síðustu áratugum, til að skila inn reikningunum fyrir vistinni.

Yndisleg frú sem tók á móti reikningunum og mínum spurningum um hvort væri ílagi að henda sjúklingum út á gaddinn svona í sparnaðarskyni fyrir Ríkispítalanna, svaraði að hún hefði heyrt af fólki sem hefði verið rekið heim nálæg sólrisu, 23 að kvöldi væri þó mun þægilegri tími.

Þetta er velferðarstaða þeirra sem hafa greitt tryggingar iðgjald í rúm 60 ár fyrir tryggingarbætur  ef lent væri mótvind.  

Á ótrúlegan hátt hafa stjórnmálamenn lagt sig í líma við að eyðileggja almenna tryggingarkerfið, jafnvel talið sig hafa lögvarða stöðu til að gera tryggingarkerfið að tekjujöfnunarkerfi.

Það hlutverk hefur tekjuskattskerfið en ekki almenna tryggingarkerfið.

Samstarfshnökrar til góðs.

Gæti verið að pólitísk menning verði öflugri á Íslandi þegar ríkistjórnarflokkar geta verið sammála um að vera ósammála?.

Gunnar Helgi Kristinsson, prófessor í stjórnmálafræði við HÍ, segir Evrópumálið setja alla flokka í nokkurn vanda. Formaður Sjálfstæðisflokksins segir ekki mikið hafa komið á óvart í nýjum stjórnarsáttmála. „Það virðist taktík þessarar ríkisstjórnar að teysta á stjórnarandstöðuna," segir Bjarni Benediktsson. Sigmundur Davíð Gunnlaugsson, formaður Framsóknarflokksins, segir að það sé einsdæmi að ríkisstjórnarflokkarnir ætli að treysta því að stjórnarandstaðan leysi ESB-málið.

 

 

Þingmenn lýstu yfir andstöðu

Hrein vinstri í fyrsta sinn, lofa skal mey að morgni.

Maður ræður sér vart fyrir gleði, þótt ekki klökni verður maður ekki oft stoltur sem nú.

Ný meirihlutastjórn VG og Samfylkingar á Bessastöðum á sjöunda tímanum í kvöld. Þetta er fyrsta meirihlutastjórn tveggja vinstriflokka á Íslandi. Samanlagt hefur ríkisstjórnin 34 þingmenn af 63.

Mikil er hátíð, krata stjórnin tekur til starfa, .

Ég ætla eftir að ég las yfir 100 daga listann og hlýddi á málflutning leiðtoganna að óska nýrri ríkistjórn velfarnaðar,og öllum ráðherrum þess sama.

Guð blessi hana og verndi við þau erfiðu verkefni sem framundan eru og hafa mikla þýðingu fyrir land og lýð.

Í málflutningi og í plöggum kemur fram ýmislegt sem ég hef óskir um að breytist, en engu að síður gleður það mig mjög að upplifa það sem ég hef óskað eftir alla mína mörgu daga að fá krata stjórn til starfa.

Ég vona að hún styrkist og vaxi við hverja raun og brjóti niður allar hindranir sem upp koma á hennar vegferð að markmiðum þeim sem hún stefnir að.

Ásta verður forseti Alþingis

Allir ráðherrar af Mömmu mia gerðinni.

 

 

Mér barst þetta frá fjarskyldum, með ósk, eða skulum við segja von, um að eintómar mæður yrðu í næstu ríkisstjórn.

Ég er sammála að það væri tilraunarinnar virði, mæður eru nefnilega sá sem við þurftum alltaf að spyrja hvort við mættum þetta eða hitt á móttunarárum okkar.

Nú eru svo sannarlega móttun samfélags á ferðinni.

Starfið er hafið til efla samfélags styrk

sem hefja skal til sæmdar að nýju .

Það gerist best með að þjóðin verði virk

af blíðri bæn og mæðranna hlýju.